RÚV hefji gervihnattaútsendingar að nýju

„Ég get staðfest það að RÚV vinnur að því að hefja útsendingar í gegnum gervihnött á allra næstu dögum,“ segir Lilja Alfreðsdóttir, menningar- og ferðamálaráðherra, í samtali við mbl.is nú í kvöld.

Lilja segir að af hálfu ríkisins sé allt klárt hvað varðar fjármagn til að halda útsendingum áfram fram að áramótum. 

Rík­is­út­varpið hætti út­send­ing­um í gegn­um gervi­hnetti þann 1. júlí, sem hef­ur gert nokk­ur skip á sjó sam­bands­laus og víða vakið pirr­ing á meðal sjó­manna.

Frétt af mbl.is

Segir sjómenn hafa vaknað upp við vondan draum

Mörg skip ná ekki sjónvarpsútsendingu

Valmundur Valmundsson sagði í samtali við mbl.is í dag að mörg skipa sem eru í notk­un væru ekki kom­in með tækja­búnað til þess að ná sjón­varps­út­send­ingu frá RÚV. 

„Það sem við erum að gera núna, nú sjáum við betur hvaða fiskiskip hafa nú þegar útvegað sér þessa nýju tækni og hverjir hafa ekki fengið þessa tækni og við höfum núna þennan tíma fram að áramótum til þess að sjá hvort að við séum ekki komin með betri þekju en nú er,“ segir Lilja.

Frétt af mbl.is

Stöðva gervihnattaútsendingar fyrir sjófarendur

• Blogga um frétt