„Áfall fyrir bæjarfélagið“
Setja bókamerki
Tengdar fréttir
Úkraína
„Þetta er áfall fyrir bæjarfélagið á Akranesi að missa þetta félag úr rekstri. Þetta er vagga þekkingar og hugvits og fjöldi verðmætra starfa sem þarna eru,“ segir Haraldur Benediktsson, bæjarstjóri Akraness, um gjaldþrot Skagans 3X.
Auk þess fjölda fólks sem missir störf sín nefnir hann undirverktaka og þjónustustörf sem verða fyrir áhrifum af gjaldþrotinu.
Áhrif vegna Úkraínustríðs og Covid-19
Spurður út í aðdraganda gjaldþrotsins segir hann bæjaryfirvöld á Akranesi hafa verið í ágætu samstarfi við stjórnendur fyrirtækisins. Stórir atburðir liðinna ára hafi haft slæm áhrif á reksturinn. Nefnir hann sérstaklega afleiðingar af völdum stríðsins í Úkraínu, þar á meðal viðskiptabann, og af völdum kórónuveirunnar.
„Við vorum vongóð um að það tækist að ná fyrirtækinu aftur fyrir vindinn en því miður er þetta staðan,“ segir hann.
Starfsmönnum Skagans 3X var tilkynnt um gjaldþrotið á fundi í morgun. Haraldur segir fólkið hafa í kjölfarið farið til síns heima og að næstu dagar fari í að finna skiptastjóra.
Mjög framsækið fyrirtæki
Hann nefnir að Skaginn 3X sé þekkingarfyrirtæki sem hafi verið mjög framsækið á sviði tækni, nýsköpunar og þróunar. Tækjabúnaður fyrir matvælaiðnað hafi verið meginstarfsemi félagsins en matvælaframleiðsla sé stóra verkefni heimsins í dag.
Skaginn 3X hefur verið með bækistöðvar við Bakkatún á Akranesi þar sem skipasmíðastöð Þorgeirs og Ellerts var áður til húsa.
Tengdar fréttir
Úkraína
Ættum frekar að endurbæta samræmdu prófin
Veitti fá svör um banatilræðið við Trump
Móðirin metin sakhæf í Nýbýlavegsmáli
/frimg/1/9/31/1093106.jpg)
Mohamad ekki sá eini: Þúsundir skipta ár hvert
Kæra vararíkissaksóknara
/frimg/1/50/58/1505804.jpg)
Hreinar línur í veðrinu næstu tíu daga
„Teljum mjög litlar líkur á vaxtalækkun í ágúst“
Segir aðferðafræði Seðlabankans ekki að virka