Þúsund tonn af þorski á einni viku

Strandveiðibátarnir náðu rétt rúmlega þúsund tonnum af þorski á fyrstu viku júlímánaðar og er nú um 1.800 tonn eftir af þorskheimildum bátanna þetta sumarið. Fiskistofa áætlar að um sjö dagar séu eftir af veiðitímabilinu.

Töluvert er þó eftir af heimildum strandveiðibáta í ufsa og karfa.

Athygli vekur að þrír bátar eru nú komnir með meira en tonn í umframafla sem er dregin af veiðunum en tekjur af sölu hans rennur að mestu í ríkissjóð. Sá sem hefur landað mestum umframafla hefur náð að landa 1.200 þorskígildiskílóum á vertíðinni sem hófst 2. maí síðastliðinn.

• Blogga um frétt