Afli dróst saman um 21% í júní

Íslensk skip lönduðu tæplega 28 þúsund tonna af afla í júní, sem er 21% minna en í júní 2023. Þetta má lesa úr tölum Hagstofu Íslands, sem birtar voru nú í dag. 

Úr gögnum má einnig lesa að samdráttur hafi verið í veiðum á nær öllum botnfisktegundum og að uppsjávarafli var enginn.

Heildarafli á tímabilinu frá júlí 2023 til júní 2024 dróst saman um 24% en hann nam tæplega 1,1 milljónum tonna, en að mati Hagstofunnar var loðnubrestur helsta ástæðan fyrir samdrættinum.

Þær tölur sem Hagstofan vinnur út frá eru þó aðeins bráðabirgðatölur og byggjast á upplýsingum Fiskistofu, sem berast frá löndunarhöfnum innanlands og útflytjendum afla og frá umboðsmönnum erlendis.

• Blogga um frétt