Félagar í Félagi skipstjórnarmanna felldu kjarasamning á milli félagsins og Samtaka atvinnulífsins. 

Var samningurinn felldur með 60,52% atkvæða og tóku 86,26% félagsmanna þátt í atkvæðagreiðslunni. Frá þessu er greint á vef Félags skipstjórnarmanna. 

Félagsmenn VM samþykktu sína samninga

Á sama tíma var kosið um kjarasamninga félaga í VM – Félags vélstjóra og málmtæknimanna við Samband íslenskra sveitarfélaga, VM – Félags vélstjóra og málmtæknimanna og SA vegna vélstjóra á kaupskipum og VM – Félags vélstjóra og málmtæknimanna vegna starfa vélstjóra á skipum og bátum í ferðaþjónustunni. 

Voru þeir allir samþykktir í atkvæðagreiðslum en litlu mátti muna þegar kosið var um samning VM – Félags vélstjóra og málmtæknimanna við Samband íslenskra sveitarfélaga og VM – Félags vélstjóra og málmtæknimanna og SA vegna vélstjóra á kaupskipum. 

Voru kjarasamningar Félags vélstjóra og málmtæknimanna samþykktir með 53,3% atkvæða og kjarasamningar vegna vélstjóra á kaupskipum samþykktir með 52,9% atkvæða. Þá voru kjarasamningar vegna starfa vélstjóra á skipum og bátum í ferðaþjónustunni samþykktir með 71,4% atkvæða. 

Tengdar fréttir

Kjaraviðræður

Vilja hækka frítekjumörk og tekjur

• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms
• Lögreglumenn fella kjarasamning

» Fleiri tengdar fréttir

• Blogga um frétt