Aflinn 23% minni júlí í ár

Íslensk skip lönduðu um 23% minni afla í júlí en á sama tíma á síðasta ári.

Þetta kemur fram á vef Hagstofu Íslands.

Þá kemur fram að skipin lönduðu rúmum 78,3 þúsund tonnum af afla í síðasta mánuði og segir jafnframt að mikill samdráttur hafi verið í veiðum á uppsjávarafla.

Heildarafli á tólf mánaða tímabilinu frá ágúst 2023 til júlí 2024 var tæplega 1,1 milljón tonn sem er 27% minna en aflinn á sama tólf mánaða tímabili ári fyrr.

Helsta ástæðan fyrir þessum samdrætti er engin loðnuveiði, að því er segir á vef Hagstofu Íslands.

• Blogga um frétt