Þróa aðferð til framleiðslu á geldlaxi
Setja bókamerki
Vísindamenn Benchmark Genetics vinna að þróun á nýrri aðferð við að framleiða geldlax fyrir fiskeldi. Verkefnið snýr að því að beita svokallaðri genaþöggun, þ.e. að gera genin óvirk, en vitað er hvaða gen það eru sem stjórna myndun kynfruma.
„Við erum að reyna að finna upp aðferð til þess að þagga þessi gen á fyrstu stigum fóstursins, þ.e. að gera þau óvirk og þá myndast ekki kynfruma. Einstaklingurinn verður tvílitna en án kynfruma og þar af leiðandi ófrjór,“ segir dr. Jónas Jónasson, framleiðslustjóri Benchmark Genetics, í samtali við Morgunblaðið.
Í blaðinu í gær var sagt frá áformum Kleifa fiskeldis um stórfellda framleiðslu á ófrjóum eldislaxi, en gagnrýnt hefur verið að alinn sé frjór eldislax við Íslandsstrendur, þar sem hann getur mögulega tímgast með villtum laxi í íslenskum ám og valdið erfðamengun í íslenskum laxastofnum. Ýmis dæmi eru um að kynþroska eldisfiskur hafi sloppið úr kvíum og gengið upp í laxveiðiár og myndast við að hrygna með villta laxinum.
Lesa má meira um málið í Morgunblaðinu í dag.
Alvarlegt sjóatvik á Viðeyjarsundi
Segja vafasamt að fullyrða um samræmt námsmat
Starfsmennirnir móta stefnuna
Fordæma skotárás 14 ára drengs
Hvassviðri eða stormur norðanlands
Vísbendingar um að landris sé hafið á ný