Slippurinn DNG nýr umboðsaðili Brunvoll á Íslandi

Slippurinn DNG og norska fyrirtækið Brunvoll kynna á Íslensku sjávarútvegssýningunni í Kópavogi nýjan samstarfssamning fyrirtækjanna.

Með tilkomu hans er Slippurinn DNG nýr umboðsaðili Brunvoll á Íslandi og annast sölu framleiðsluvara Brunvoll, sölu varahluta og viðhaldsþjónustu fyrir notendur búnaðar norska framleiðandans, að því er segir í tilkynningu.

Brunvoll er meðal þekktustu framleiðanda í sjávarútvegi í heiminum. Fyrirtækið var stofnað árið 1912 og er enn þann dag í dag í eigu sömu fjölskyldu.

Fyrirtækið sérhæfir sig í framleiðslu á skrúfum, gír- og stjórnbúnaði fyrir skip og hafa margar íslenskar útgerðir valið Brunvoll búnað í sín skip í gegnum tíðina.

• Blogga um frétt