Eldislaxinn gæti tekið fram úr þorskinum
Setja bókamerki
Mikið vatn hefur runnið til sjávar síðan rekstur Arnarlax byrjaði að taka á sig mynd árið 2009. Félagið var formlega stofnað á Bíldudal árið 2010 og árið 2013 hófst seiðaframleiðsla í gamalli bleikjustöð á Tálknafirði sem fyrirtækið lét endurnýja.
Fyrsti fiskurinn var settur í sjókvíar árið 2014 og Arnarlax gaf út sinn fyrsta sölureikning árið 2016, eða fyrir átta árum.
„Í dag eru starfsmennirnir orðnir um 170 talsins og þar af eru um 70% sem lifa og starfa á Vestfjörðum,“ segir Bjørn Hembre forstjóri en starfsemin skiptist á milli Tálknafjarðar, Bíldudals, Patreksfjarðar, Þorlákshafnar, Hallkelshóla og Kópavogs.
Fyrirtækið framleiddi um 18.000 tonn af laxi árið 2023 og er útlit fyrir að félagið framleiði um 13.000 tonn á þessu ári en stefnt er að því að ná 25.000 tonna markinu í náinni framtíð."
Styttist í 70.000 tonn
Heildarframleiðsla íslenskra fiskeldisfyrirtækja var tæp 50.000 tonn á síðasta ári en þar af var laxaframleiðsla um 43.500 tonn. Bjørn segir að búast megi við mikilli aukningu í framleiðslu á komandi árum og þess sé skammt að bíða að framleiðsla laxeldis í sjó rjúfi 70.000 tonna múrinn.
Þá eigi eftir bæta við þeim risastóru verkefnum sem fyrirhuguð eru í landeldi og ljóst að verðmætasköpun greinarinnar allrar verði gríðarleg.
„Við sjáum að laxinn er orðinn næstverðmætasta fiskveiðitegundin á eftir þorskinum en laxinn er farinn upp fyrir útflutningsverðmæti loðnunnar. Ég hugsa að útflutningsverðmæti eldislax geti jafnvel farið fram úr þorskinum á næstu fjórum eða fimm árum,“ segir hann.
Nánar um málið í sérblaði 200 mílna, Lagarlíf 2024, sem fylgdi Morgunblaðinu á laugardag.
Síminn stoppar ekki hjá Árekstur.is
Viðreisn í mikilli sókn
Umræðan var óþægileg fyrir Þórð og flokkinn allan
„Það er sárt að svona fór“
Mjög dýrt að tryggja landamærin
Vonast eftir breiðri þverpólitískri sátt
Unnu eftir kröfugerð sem lögð var fram í upphafi
Ingibjörg skiptir um skoðun á ummælum Þórðar