Vettvangur til að hvetja konur til dáða
Setja bókamerki
Mikill kraftur er í starfi ýmissa félaga sem helguð eru konum á framabraut. Skemmst er að minnast Félags kvenna í atvinnurekstri (FKA) sem stofnað var vorið 1999 og er í dag orðið að fjölmennum samtökum með starfsemi um allt land.
Félagið Konur í sjávarútvegi (KIS) hefur einnig blómstrað frá því það var stofnað árið 2013 og leikið stórt hlutverk við að efla þær konur innan greinarinnar.
Nú hefur verið ákveðið að stofna félag á Lagarlíf ráðstefnunni sem hefst í dag í Hörpu, sem helgað verður konum sem starfa við hvers konar eldi, hvort sem er í sjó eða á landi, innan eldisfyrirtækja eða í tengdum störfum – Konur í eldi á
„Eldisgeirinn er ört vaxandi atvinnugrein hér á landi og gífurleg framför hefur átt sér stað í greininni sem er þó enn í mikilli þróun og vexti hér á landi sem og á heimsvísu,“ segir Eva Dögg Jóhannesdóttir sem leitt hefur stofnun nýja félagsins.
Hún segir félagið Konur í eldi vera óðara að taka á sig mynd
„Við erum þegar komnar með nokkuð öflugan hóp kvenna á Facebook til skrafs og ráðagerða og þar hafa spunnist miklar umræður um stofnun nýs félags, og ætla margar konur að mæta á Lagarlífsráðstefnuna í tengslum við stofnun félagsins,“ útskýrir Eva, sem er sjávarlíffræðingur að mennt
Skálað fyrir stofnun nýs félags
Eva hefur starfað í fiskeldisgeiranum um nokkuð langt skeið og er í dag hjá fyrirtækinu Bláum Akri sem sérhæfir sig í þjónustu á sviði heilbrigðis- og velferðar eldisfiska og umhverfis.
„Á Lagarlífsráðstefnunni munum við láta bera sérstaklega vel á okkur, Konum í eldi, þar sem á fyrri deginum verður boðið í kokteil að fyrirlestrum loknum og skálað fyrir stofnun nýs félags. Við vonumst til að sjá sem flestar konur sem starfa í og við eldisgeirann koma og fagna með okkur,“ segir Eva.
Snýst um velferð og vöxt
Tölur um kynjaskiptingu starfa í eldisgeiranum liggja ekki á lausu en Eva segir að konur hafi þó greinilega gert sig gildandi í alls kyns hlutverkum hjá bæði eldisfyrirtækjum í sjó og á landi sem og í þjónustu við eldi, eftirlit og rannsóknir.
„Það erum við sem þurfum að gera okkar hlut til að verða sýnilegri, og fræða um hlutverk okkar í þessari fjölbreyttu og spennandi atvinnugrein“ segir Eva.
Hún bætir við að það sé margt æskilegt við að konur skapi sér sameiginlegan faglegan vettvang.
„Konur í þessu nýja félagi munu hafa það að markmiði að styðja aðrar konur sem starfa í og við eldi en einnig að laða konur að greininni, kynna hin fjölbreyttu störf sem þar bjóðast og tækifærin sem eru í boði.“
Nánar um málið í sérblaði 200 mílna, Lagarlíf 2024, sem fylgdi Morgunblaðinu á laugardag.
„Það er sárt að svona fór“
Umræðan var óþægileg fyrir Þórð og flokkinn allan
Viðreisn krefst aðildarviðræðna við ESB
Mjög dýrt að tryggja landamærin
„Mér var haldið sofandi í níu sólarhringa“
Ekki eins og jólasveinn á hreindýrssleða
Allt frá nokkrum tímum upp í viku í nýrri miðstöð
Þórður mun ekki taka þingsæti