Engar loðnuveiðar verði leyfðar á fiskveiðiárinu
Setja bókamerki
Hafrannsóknastofnun hefur lagt til að engar loðnuveiðar verði leyfðar fiskveiðiárið 2024 til 2025. Ráðgjöfin byggir á niðurstöðum bergmálsmælinga á loðnustofninum á tímabilinu 21. ágúst til 1. október en verður endurmetin þegar niðurstöður bergmálsmælinga á stærð veiðistofnsins liggja fyrir í byrjun næsta árs.
Þetta kemur fram í tilkynningu stofnunarinnar.
Ráðgjöf stofnunarinnar er samhljóma fyrirliggjandi upphafsráðgjöf sem byggði á mælingum á ungloðnu haustið 2023.
Hrygningarstofninn verði 193 þúsund tonn
„Heildarmagn loðnu mældist tæp 610 þúsund tonn og þar af var stærð veiðistofns metin 307 þúsund tonn. Þegar tekið hefur verið tillit til metins afráns fram að hrygningu í mars er metið að hrygningarstofninn verði 193 þúsund tonn. Markmið aflareglu er að miða heildarafla við að meira en 95% líkur séu á að hrygningarstofn verði yfir viðmiðunarmörkum upp á 114 þúsund tonn á hrygningartíma. Það mun ekki nást samkvæmt niðurstöðum stofnmatsins og því er gefin ráðgjöf um engar veiðar á þessu fiskveiðiári,“ segir í tilkynningunni.
„Magn ókynþroska í fjölda var um 57 milljarðar en samkvæmt samþykktri aflareglu þarf yfir 50 milljarða til að mælt verði með upphafsaflamarki fyrir næsta fiskveiðiár (2025/2026) en Alþjóðahafrannsóknaráðið mun gefa ráðgjöf þar að lútandi í júní á næsta ári.“
Íbúð í Grafarvogi illa farinn eftir eldsvoða
Greiðslur virka nú eðlilega
Aðgerðir þýði mögulega tilflutning á fjármagni
Hugleiðir framboð til formanns
/frimg/1/54/17/1541746.jpg)
„Getum verið að tala um ár eða áratugi“
Vildu ekki viðurkenna að þarna væri snjóflóðahætta
Fjöldi staura brotnaði og línur slitnuðu