Það var þétt setið á fertugasta aðalfundi Landssambands smábátaeigenda (LS) sem fer nú fram í Háteigssalnum á Grand hótel í Reykjavík.

Arthur Bogason formaður LS setti fundinn og einnig ávarpaði Guðlaugur Þór Þórðarson umhverfis-, orku- og loftlagsráðherra fundargesti. Stærstu tíðindi fundarins voru þau að Bjarni Jónsson þingmaður Vinstri græna kom í pontu eftir að Arthur og Guðlaugur höfðu lokið málinu sínu og lýsti því yfir að hann hafi sagt sig úr flokkunum.

Arthur fór yfir víðan völl í ávarpinu sínu og sendi hann stjórnvöldum tóninn vegna stöðu smábáta útgerða í Grímsey.

„Hvernig má það vera við sem höfum alist upp við ströndina, upplifum ár eftir ár að löggjafinn nýti öll tækifæri til að hindra, þann sjálfsagða rétt hvers og eins að sækja lífsbjörg í þessa sameiginlegu auðlind,” sagði Arthur.

Í því sambandi vísaði Arthur til útgerðamanna í Grímsey sem höfðu undanfarin ár haft undanþágu frá reglugerð sem skyldar þá að vinna allan afla á staðnum. Nýlega hafði þeim verið upplýst að sú undanþága yrði ekki framlengd.

„Nýjasta dæmið um þennan fáránleika er sá raunveruleiki sem blasir nú við Grímseyingum. Umhverfis útvörð þennan í norðri liggja gjöful fiskimið sem lögðu grundvöll að byggðinni fyrir um það bil eitt þúsundum árum,” sagði Arthur.

Gagnrýnir boðaða kvótasetningu á grásleppu

Hann sagði að LS hafi í gegnum tíðina þurft að glíma við fjöldan allan af óvönduðum lögum og reglugerðum.

„Besta dæmið um slíkt sem ég veit um eftir öll þessi ár um óvönduð og óboðleg vinnubrögð Alþingis, eru nýlega samþykkt lög um kvótasetningu grásleppunnar. Það er engu líkara að allir nefndarmenn atvinnuveganefndar og allir embættismenn atvinnuvegaráðuneytisins, séu annað hvort ólæsir eða illilega lesblindir,” sagði Arthur.

Að hans mati séu lögin um kvótasetningu grásleppurnar vera stórkostlegt klúður hjá stjórnvöldum, enda aldrei séð eins hroðvirknisleg vinnubrögð frá stofnun samtakanna.

Það var þungt yfir sumum fundargestum vegna áforma stjórnvalda að setja kvóta á grásleppuna. Eggert Jóhannesson

Guðlaug Þór Þórðarson umhversráðherra sagðist vera eini ráðherran sem þorði að koma á fundinn, við góðar undirtektir fundargesta. Eggert Jóhannesson

Tengdar fréttir

Smábátaveiðar

Góð aflabrögð hjá bátunum á Suðureyri

• Lýsa áhyggjum af línuívilnun
• Bjóða milljarð í þorskkvóta
• Strandveiðiflotinn skilaði 5 milljörðum króna
• Ráðgjöfin sögð æra óstöðugan

» Fleiri tengdar fréttir

• Blogga um frétt