Krefjast skaðabóta vegna slysasleppinga
Setja bókamerki
Veiðifélag Hrútafjarðarár og Síkár hefur farið fram á að íslenska ríkið viðurkenni skaðabótaskyldu vegna slysasleppinga úr sjókvíaeldi. Þetta má lesa í fundargerð Fiskisjúkdómanefndar vegna fundar nefndarinnar 14. október síðastliðinn.
Töluvert af strokulöxum fundust í Hrútafjarðará og vatnssvæði þess á síðasta ári eftir að eldislaxar sluppu úr sjókví Arctic Fish í Patreksfirði í ágúst í fyrra.
/frimg/1/44/25/1442534.jpg)
„Tekið var fyrir erindi matvælaráðuneytisins dags. 4. október 2024, vegna bréfs frá embætti ríkislögmanns, dags. 2. júlí 2024, þar sem óskað var eftir umsögn ráðuneytisins um bréf frá Jóni Þór Ólasyni, lögmanni f.h. Veiðifélags Hrútafjarðarár og Síkár, dags. 29. apríl 2024, þar sem gerð er krafa um viðurkenningu skaðabótaskyldu íslenska ríkisins. Óskað er eftir umsögn Fisksjúkdómanefndar um málið,“ segir í fundargerðinni.
Þá segir að einnig hafi verið óskað eftir því að Fiskisjúkdómanefnd sendi ráðuneytinu gögn sem nefndin kann að hafa um málið.
„Af hálfu nefndarinnar var farið yfir málið og fram kom að nefndin hafi aldrei fengið gögn um fisksjúkdóma vegna slysasleppinga og væri þar af leiðandi ekki kunnugt um slíkt,“ segir í fundargerð nefndarinnar.
Beint: Eldgos hafið við Stóra-Skógfell
Sáu eldgosið brjótast út frá Snæfellsnesi
Gosið gæti varað lengur: Meiri fyrirstaða í gosrásinni
Skiptir mestu máli að fjárlögin voru samþykkt
Þórarinn: Tafir á höfuðborgarsvæðinu ekki minni
Óttast að fólk fari aftur að eyða peningum
Sparnaður heimila vex meira en áður var talið