Birtingur NK hefur verið leigður til Samherja hf. og er leigutíminn tveir mánuðir, að því er fram kemur í færslu á vef Síldarvinnslunnar sem gerir Birting út.

Síldarvinnslan keypti skipið nýlega af Skinney-Þinganesi og segir í færslunni: „Með kaupunum á Birtingi var ekki ætlunin að fjölga skipum innan Síldarvinnslusamstæðunnar heldur var ráðgert að selja skip í hans stað. Nú er hafinn undirbúningur að sölu togskipsins Jóhönnu Gísladóttur GK.“

Birtingur hélt í fyrstu veiðiferð sína föstudag 18. október og kom til löndunar á mánudag. Afli skipsins var um hundrað tonn og nánast alfarið þorskur.

„Það var hörkuveiði á Héraðsflóanum en þar fékkst mjög góður þorskur. Skipið hefur verið ónotað um hríð og þá þarf alltaf að sinna ýmsum verkefnum til að fá vélar og tæki til að snúast eðlilega. Það var því mikið að gera hjá vélstjórunum í túrnum eins og gert hafði verið ráð fyrir. Við héldum til veiða á ný á þriðjudag og nú er verið að veiðum á Glettinganesflakinu,” segir Egill Guðni Guðnason skipstjóri í færslunni.

Tengdar fréttir

Síldarvinnslan

Unnu úr 247 þúsund tonnum

• Jólasíld ársins í fötur
• Fjölnir til Noregs
• Kaup Síldarvinnslunnar ganga til baka
• Sjóvá og Síldarvinnslan áfram í samstarfi

» Fleiri tengdar fréttir

• Blogga um frétt