Fyr­ir yf­ir­stand­andi fisk­veiðiár er gert ráð fyr­ir að 800 tonna þorskkvóta verði ráðstafað í svo­kallaða línuíviln­un sem er þriðjungi minna en fékkst í kerfið á síðasta fisk­veiðiári. Lands­sam­band smá­báta­eig­enda (LS) vek­ur at­hygli á þessu á í færslu á vef sín­um og lýs­ir áhyggj­um af fram­hald­inu.

Í færsl­unni seg­ir að á síðasta fisk­veiðiári sem lauk 31. ág­úst hafi þorski verið „of naumt“ skammtað til línuíviln­un­ar. „Aðeins 1.100 tonn sem voru upp­ur­in í lok maí. Upp úr miðjum júlí var fall­ist á beiðni LS um viðbót, skilaði 115 tonn­um sem ent­ist út fisk­veiðiárið. Línuíviln­un nýtt­ist 52 bát­um á fisk­veiðiár­inu sem gerðir voru út frá 33 stöðum.“

Háð skil­yrðum

Línuíviln­un er ætlað að auka rekstr­arör­yggi smærri út­gerða og veit­ir dagróðrabát­um á línu­veiðum heim­ild, að upp­fyllt­um skil­yrðum í reglu­gerð, til að landa afla um­fram þann kvóta sem bát­arn­ir hafa í þorski, ýsu og stein­bít. Heim­ild­in er bund­in við ákveðið há­mark í hverri teg­und og skil­greind tíma­bil.

Skil­yrðin sem þarf að upp­fylla eru meðal ann­ars að ekki mega önn­ur veiðarfæri vera um borð í bátn­um og bát­ur­inn þarf að koma inn til lönd­un­ar inn­an24 klukku­stunda frá upp­hafi veiðiferðar. Hafi lín­an verið beitt í landi má landa 20% um­fram þann afla sem reikn­ast til kvóta, en var lín­an stokkuð upp í landi má landa 15% um­fram þann afla sem reikn­ast til kvóta.

LS tel­ur nú línuíviln­un­ar­kerfið eiga und­ir högg að sækja þar sem því er ekki út­hlutað næg­ar veiðiheim­ild­ir.

Tengd­ar frétt­ir

Smá­báta­veiðar

Góð afla­brögð hjá bát­un­um á Suður­eyri

• Bjóða millj­arð í þorskkvóta
• Aðal­fund­ur LS hald­inn í fer­tug­asta sinn
• Strand­veiðiflot­inn skilaði 5 millj­örðum króna
• Ráðgjöf­in sögð æra óstöðugan

» Fleiri tengd­ar frétt­ir

• Blogga um frétt