Þó nokkur munur á kvóta og fjölda báta
Setja bókamerki
/frimg/1/27/23/1272314.jpg)
Nokkuð ólík skipting verður á hlutdeildum í grásleppukvótanum milli veiðisvæða með tilliti til fjölda báta á hverju svæði miðað við áætlaðar hlutdeildir sem Fiskistofa birti á dögunum. Með kvótasetningu grásleppu var ákveðið að aflaheimildir í tegundinni yrðu svæðisbundnar en veiðisvæði grásleppu voru á sama tíma fækkað úr sjö í fimm og eru mismargir bátar á hverju svæði.
Mestum grásleppukvóta verður úthlutað til báta á Norðurlandi eða tæplega 27% af heildarkvóta, þaðan gera þó 72 bátar út eða 30% þeirra 240 sem munu fá grásleppukvóta. Munar því þremur prósentustigum á hlutfalli báta og hlutdeild í veiðiheimildum.
/frimg/1/27/23/1272314.jpg)
Mesti munurinn er á nýju veiðisvæði Suðurland-Faxaflói þar sem 36 eða 15% bátanna skipta milli sín 11,43% veiðiheimildanna og nemur munurinn 3,57 prósentustigum. Á veiðisvæðinu Austurland munar 3,12 prósentustigum en þar skiptist 9,8% hlutdeild á tæplega 13% grásleppubáta
Húnaflói sker sig úr og er eina veiðisvæðið þar sem hlutdeild í heildarkvóta er umfram hlutfall grásleppubáta. Þangað rata 16,64% aflaheimilda í grásleppu en þaðan eru gerðir út 15% af grásleppubátum landsins.
Vert er að geta þess að 9,9 prósent aflaheimildanna verða nýttar í meðal annars sérstakan nýliðakvóta. Hvernig hann skiptist á veiðisvæði er óljóst sem stendur og því munu hlutföllin eðlilega breytast.
Sem fyrr segir er grásleppukvóti bundinn við fimm skilgreind svæði. Þau eru:
- Suðurland – Faxaflói frá línu réttvísandi austur frá Hvítingum að línu réttvísandi vestur frá Dritvíkurtanga (gömlu veiðisvæðin A og G).
- Breiðafjörður – Vestfirðir nær frá línu réttvísandi vestur frá Dritvíkurtanga að línu réttvísandi norður frá Horni (gömlu veiðisvæðin B og C).
- Húnaflói er frá línu réttvísandi norður frá Horni að línu réttvísandi norður frá Skagatá (gamla veiðisvæði D).
- Norðurland er frá línu réttvísandi norður frá Skagatá að línu réttvísandi austur frá Fonti á Langanesi (gamla veiðisvæði E).
- Austurland nær frá línu réttvísandi austur frá Fonti á Langanesi að línu réttvísandi austur frá Hvítingum (gamla veiðisvæði F).
Ný könnun: Sjálfstæðisflokkur dalar enn
Fimm á sjúkrahús og 62 handteknir í Amsterdam
Deiliskipulag úr gildi
Þungt hugsi yfir ofbeldinu
Fordæma árásir á ísraelska áhangendur
Oddvitaviðtöl í Reykjavík suður
Kjör kennara hafi vaxið langt umfram almennan markað
Óvíst um lögfestingu kílómetragjaldsins