Settu einnig met í útflutningi á lax

Október var besti mánuður Norðmanna frá upphafi hvað útflutningsverðmæti eldislax varðar, að því er segir í færslu á vef norska útflutningsráði sjávarafurða (Norges sjømatråd).

Eins og greint var frá á 200 mílum í gær skilaði gríðarlegur vöxtur í útflutningi makríls Norðmönnum metútflutning í október. Nam heildarútflutningsverðmæti norskra sjávarafurða 18,5 milljörðum norskra króna.

Frétt af mbl.is

Makríllinn skilaði Norðmönnum metútflutningi

Eldislaxinn vegur þungt og var útflutningsverðmæti hans um 12 milljarðar norskra króna, jafnvirðir 151 milljarðs íslenskra króna, í október sem er tæplega 65% af heildar útflutningsverðmætum sjávarafurða þann mánuð. Að baki þessa verðmæta voru 144.761 tonn.

Fram kemur í færslunni að útflutningsverðmæti eldislax hafi vaxið um 1% frá október í fyrra og að það hafi aldrei verið meir aí stökum mánuði. Þá hafi magn aukist um 10%.

Helstu markaðir voru Pólland, Bandaríkin og Holland.

• Blogga um frétt