Bjarni Benediktsson forsætisráðherra segir að umsóknir þeirra fjögurra fyrirtækja sem sótt hafa um leyfi til að stunda hvalveiðar séu í umsagnarferli.

Hann segir að það hafi skorti upp á gögn í sumum málanna, sem bætt hefur verið úr, en fyrirtækin fjögur sem um ræðir eru Hvalur hf., útgerðarfyrirtækið Vonin ehf., Tjaldatangi ehf. og Fateignafélagið Ból efh.

„Það er lögboðið að málin fara í umsagnarferli. Þegar því er lokið þá þarf að fara yfir stöðuna í ráðuneytinu og meðal annars að meta ýmis lagaleg sjónarmið um skilyrði fyrir veiðum og öðru slíku,“ segir Bjarni, sem er einnig starfandi matvælaráðherra.

Frétt af mbl.is

Fjögur fyrirtæki sótt um leyfi til hvalveiða

Bjarni segir að ekki sé hægt að segja nákvæmlega til um hvenær umsóknirnar verði afgreiddar en að hans mati séu þær í eðlilegu ferli.

Spurður hvort umsóknirnar verði afgreiddar fyrir kosningarnar segir hann:

„Ég get bara ekki tjáð mig um það.“

Tengdar fréttir

Hvalveiðar

Lög um hvalveiðar úrelt og krefjast endurskoðunar

• Hrefnuveiðar hefjast á Ísafirði í vor
• Gagnrýna ákvarðanir starfsstjórnar
• Segir næstu stjórn sitja uppi með ákvörðun Bjarna
• Ekki rætt um hvalveiðar

» Fleiri tengdar fréttir

• Blogga um frétt