Sömdu um veiðar og færa viðræður heim

Færeyjar og Grænland hafa undirritað samkomulag um fiskveiðar ársins 2025. Samkomulagði felur í sér að ríkin veiti fiskiskipum hvors annars til að stunda veiðar í lögsögu hvors annars.

Fá grænlensk skip að veiða 600 tonnum minna af norsk-íslenskri síld í færeyskri lögsögu á næsta ári en á þessu, alls 4.900 tonn. Í kolmunna eykst heimild grænlensku skipanna um 3.250 tonn og endar í 23.750 tonnum. Auk þess fá grænlensku skipin að veiða 7.814 tonn af kolmunnakvóta Færeyinga á alþjóðlegu hafsvæði.

Þetta kemur fram í tilkynningu á vef  sjávarútvegs- og samgönguráðuneytis Færeyja (Fiskivinnu- og samferðslumálaráðið).

Í skiptum fá færeysk skip að veiða 2.500 tonn af þorski  í grænlenskri lögsögu auk 50 tonnum af lúðu sem meðafla. Þá fylgja heimildir fyrir 325 tonnum af keilu við Austur-Grænland og hundrað tonn af keilu við Vestur-Grænland. Færeyingar fá einnig heimild til að veiða 500 tonn af krabba

Flytja viðræður í heimahaga

Til þessa hafa viðræður Færeyja og Grænlands um fiskveiðisamninga farið fram í Kaupmannahöfn í Danmörku, en voru að þessu sinni í Þórshöfn.

„Með komandi opnun nýs alþjóðaflugvallar í Nuuk [í Grænlandi], hafa ríkin ákveðið að árlegar samningaviðræður um fiskveiðar fari héðan í frá fram í Þórshöfn og Nuuk,“ segir í tilkynningunni.

• Blogga um frétt