Ætla að reyna að veiða þorsk í gildrur

Næsta vor hefjast tilraunir í Vestmannaeyjum til að veiða þorsk í gildrur. Þekkingarsetur Vestmannaeyja hefur umsjón með veiðunum sem eru fimm ára tilraunaverkefni, að því er fram kemur í Morgunblaðinu í dag.

„Í Kanada og Noregi hefur færst í aukana að veiða bolfisk í gildrur og okkar verkefni snýst um það hvort hægt væri að gera slíkt hið sama hér heima,“ segir Hörður Baldvinsson framkvæmdastjóri Þekkingarsetursins.

„Í þessu getur falist orkusparnaður fyrir þá sem stunda veiðar því ekki þarf að sækja gildrurnar fyrr en eftir allt að tíu daga. Þar sem fiskurinn er lifandi verður hann eins ferskur og hægt er þegar hann kemur úr sjó,“ útskýrir hann.

Nánar má lesa um málið í Morgunblaðinu.