Lýsir áhyggjum af nytjastofnum

„Ég hef ekkert farið í grafgötur um það að ég fullyrði að við verðum komin á svipaðan stað og Nýfundnaland var fyrir fjörutíu árum eftir fimmtán til tuttugu ár ef við breytum ekki um kúrs,“ segir hann í Morgunblaðinu í dag.

Þróunin sé alveg ljós í huga Sæmundar og vísar hann til undanfarinna fjögurra áratuga. „Á þessum tíma erum við búin að eyðileggja humarinn, eyðileggja hörpuskelina, úthafskarfann og rækjuna nánast alfarið. Eitthvað er að gerast með loðnuna og ufsinn hefur ekki náðst í fleiri ár og hefur ufsakvóti brunnið inni í kerfinu fyrir milljarða.“

Spurður hvað hann telji hafa orðið til þess að þessi staða sé komin upp svarar hann: „Á fjörutíu árum erum við búin að fara úr því að veiða helming aflans sem landað er í kyrrstæð veiðarfæri í innan við tuttugu prósent í dag.“

Viðtalið við Sæmund má lesa í Morgunblaðinu.