Fyrstu seiðin hafa verið flutt úr seiðastöð Laxeyjar í Vestmannaeyjum í stórseiðahús félagsins í Viðlagafjöru, en þaðan verða þau síðan flutt í eldiskerin þegar þau eru orðin nægilega stór.

Fram kemur í færslu á vef Laxeyjar að flutningarnir frá seiðastöðinni heppnuðust vel.

„Til að tryggja farsælan flutning þurfti allt að ganga upp – framkvæmdir þurftu að vera á áætlun, allur tæknibúnaður uppsettur, gangsettur og prófaður. Mikið hrós og tækni- og framkvæmdarteymi félagsins til að tryggja að stórseiðahúsið sé klárt á tíma. Mikil vinna hefur því farið fram undanfarnar vikur til að undirbúa þetta skref. Stemningin hefur verið frábær, og allir einbeittir og staðráðnir í að láta flutninginn ganga upp,“ segir í færslunni.

Allt er sagt hafa gengið að óskum og aðlagast seiðin vel að nýju umhverfi.

Tengdar fréttir

Fiskeldi

Tillaga að 13 þúsund tonna leyfi Thors

• Samkomulag um fjármögnun First Water
• Stungu fyrir vinnsluhúsi First Water
• Fagna nýjum áfanga í eldi Laxeyjar
• First Water leigir húsnæði Ísfélagsins

» Fleiri tengdar fréttir

• Blogga um frétt