Hamar gaf Frosta drátt

Ístogarinn Frosti ÞH-229 var dreginn til hafnar í Hafnarfirði nú síðdegis. Af siglingaferli að dæma lét Frosti frá bryggju í Hafnarfirði rétt fyrir klukkan eitt en virðist hafa misst vélarafl um hálf tvö er togarinn var staddur við Æðarsker skammt frá Hafnarfirði.

Var m.a. dráttarbáturinn Hamar sendur á eftir togaranum sem var dreginn til hafnar og lagði hann við bryggju í Hafnarfirði rétt fyrir klukkan þrjú.

Tilraunir til að ná sambandi við skipstjóra og vélstjóra um borð hafa ekki borið árangur og er því ekki vitað með vissu hvað kom fyrir sem leiddi til þess að Frosti var dreginn til hafnar.

• Blogga um frétt