„Ég hefði ekki gert þetta ef ég væri hann“
Setja bókamerki
Arna Lára Jónsdóttir, þingmaður Samfylkingarinnar í Norðvesturkjördæmi, er hissa á ákvörðun Bjarna Benediktssonar, starfandi matvælaráðherra, um að veita hvalveiðileyfi til næstu fimm ára.
Hún segir ekkert liggja á í þessum efnum og að Bjarni hefði frekar átt að leyfa næsta matvælaráðherra að sjá um þessi mál.
Hún segir þó að það sé ekki forgangsmál að banna hvalveiðar á næsta vorþingi komist Samfylkingin í ríkisstjórn.
Þetta kemur fram í samtali hennar við mbl.is.
Liggi ekkert á
„Ég hefði ekki gert þetta ef ég væri hann. Ég hefði látið þessa ákvörðun bíða næsta matvælaráðherra,“ segir Arna.
Hún segir að ekkert hafi legið á í ljósi þess að hvalveiðivertíð á ekki að hefjast fyrr en næsta sumar.
„Það liggur fyrir að það er að koma ný ríkisstjórn, þannig að ég hefði haldið að þetta ætti að bíða nýrrar ríkisstjórnar,“ segir hún.
Bjarni hefur gefið út leyfi til veiða á langreyðum til Hvals hf., auk leyfis til veiða á hrefnu til tog- og hrefnuveiðibátsins Halldórs Sigurðssonar ÍS 14, sem er í eigu félagsins Tjaldtanga.
Ekki á því að það eigi að banna hvalveiðar í vor
Hún segir það skýrt að stefna Samfylkingarinnar sé að banna hvalveiðar, en að það þurfi að fara í gegnum Alþingi.
Heldurðu að það ætti að banna þær á vorþinginu í ljósi þessa?
„Nei, það er ekki forgangsmál. Það er alveg ljóst.“
Engar viðvaranir í kortunum næstu daga
„Meiri ágreiningur en við áttum von á“
„Sá það bara hverfa í einni vindhviðu“
„Lán að sá sem stóð við ræsið heyrði skruðningana“
Andleg og líkamleg heilsa verri en annarra
Flokkarnir þurfa ekki að endurgreiða styrki
Enginn svæfingarlæknir var tiltækur í flug
Ekkert breyst í samstarfinu nema fylgi flokkanna