Unnið hefur verið að því undanfarna daga að slátra úr kvíum Arctic Fish við Haukadalsbót í Dýrafirði. Fram kemur í færslu á Facebook-síðu fyrirtækisins  að gengið hafi mjög vel og að fiskurinn sé fallegur og af góðum gæðum.

Aflanum er komið til vinnslu í Bolungarvík með brunnskipinu Nova Trans. Að lokinni löndun um hádegi siglir Nova Trans til Dýrafjarðar og byrjar að sækja nýjan skammt fyrir næsta dag, um 80 til 110 tonn af laxi hvert skipti.

„Þegar þeir koma þangað er starfsfólk okkar í Dýrafirði búið að gera klárt fyrir afhendingu. Það er gert þannig að nótinni er lyft og kastnót er sett út sem þrengir að fiskinum upp að brunnbátinum sem sýgur hann um borð lifandi. Þaðan er svo siglt í Bolungarvík þar sem að slátrun hefst í morgunsárið,“ segir í færslunni.

Það tekur alla jafna um sex til tíu vinnsludaga að klára úr hverri kví en um tíu kvíar eru á hverju eldissvæði.

Laxinum er dælt um borð lifandi. Ljósmynd/Arctic Fish

Þrengt er að fiskinum með nót og einfaldar það dælinguna. Ljósmynd/Arctic Fish

Tengdar fréttir

Fiskeldi

Aldrei meira af íslenskum eldisfiski

• Laxey fjárfestir í búnaði frá Marel
• Framleiddu 502 þúsund tonn af laxi
• Opnar kvíar bannaðar á vesturströnd BNA
• Magdalena nýr forstöðumaður hjá AF

» Fleiri tengdar fréttir

• Blogga um frétt