Meira en hundrað tonn á hálfum mánuði

Einar Guðnason ÍS 303, línubátur Íslandssögu á Suðureyri, ætlar að ljúka árinu af sama krafti og það hófst. Náði áhöfnin að landa meira en tuttugu tonnum síðastliðinn laugardag, þar af tæplega 14 tonn af ýsu og sex tonn af þorski.

Frá fyrsta desember til 15. landaði Einar Guðnason 105,8 tonnum í níu löndunum, þar af rúm 68 tonn af ýsu og tæp 36 tonn af ýsu. Búast má við því að afli mánaðarins verði meiri þegar árinu lýkur, en Einar Guðnason er, þegar þetta er ritað, á veiðum við Barðagrunn.

Þrátt fyrir ágætis aflabrögð er vetrarvertíð íslensku skipanna ekki komin á fullt, það gerist að venju fyrst eftir áramót.

Janúar síðastliðinn gekk mjög vel hjá áhöfninni á línubátnum sem landaði oft meira en tuttugu tonnum og var heildaraflinn rúmelga 252 tonn í sextán löndunum, en það er að meðaltali tæplega 16 tonn í róðri. Um 198 tonn var þorskur, 43 tonn ýsa og tæp sjö tonn steinbítur, auk smávægilegs afla í öðrum tegundum m.a. keilu, ufsa og karfa.

• Blogga um frétt