Kristján nýr skipstjóri Ljósafells

Kristján Gísli Gunnarsson, sem starfað hefur hjá Loðnuvinnslunni frá árinu 2008, hefur verið ráðinn sem skipstjóri á Ljósafelli SU-70, að því er fram kemur í tilkynningu á vef útgerðarinnar.

Fram kemur að Kristján fæddist á Akureyri 1974 á en flutti um 5 ára aldur til Dalvíkur þar sem rætur hans liggja. Síðustu ár hefur hann búið á Akureyri ásamt eiginkonu sinni, Kolbrúnu Sjöfn Magnúsdóttur, og dætrunum Magneu Björgu og Guðrúnu Rögnu.

Tekur hann við af Hjálmari Sigurjónssyni sem lét af störfum í nóvember vegna þrálátra stoðkerfisvandamála og verkja, en hann lenti í hrikalegu vélsleðaslysi vorið 2022.

Frétt af mbl.is

Hjálmar kveður skipstjórastólinn

„Kristján útskrifaðist úr Stýrimannaskólanum á Dalvík árið 1996 og lá þá leiðin til Samherja þar sem hann starfaði í rúman áratug. Kristján var ráðinn um borð í  Ljósafellið árið 2008 og síðan þá hefur hann gengt flestum stöðum um borð í Ljósafellinu. Árið 2019 var hann ráðinn sem yfirstýrimaður og síðustu 2 ár hefur hann starfað sem skipstjóri í fjarveru Hjálmars.“

• Blogga um frétt