Þúsund tonn af laxi í Önundarfirði

Matvælastofnun hefur unnið tillögu að breyttu rekstrarleyfi fyrir ÍS 47 ehf. vegna sjókvíaeldis í Önundarfirði. Fyrirtækið hefur fyrir heimild til þúsund tonna hámarkslífmassa á regnbogasilungi og þorski, en mun að óbreyttu fá þess í stað leyfi til eldis á frjóum laxi.

Fram kemur í tilkynningu á vef Matvælastofnunar að tillaga að breytingu á rekstrarleyfi byggir á tilkynningu ÍS 47 ehf. frá 21. október 2022 um tegundabreytingu og færslu svæðis ásamt ákvörðun Skipulagsstofnunar frá 7. febrúar 2023 um matsskyldu.

„Breyting á rekstrarleyfinu heimilar eldi á frjóum laxi í Önundarfirði en heimild til eldis á þorski verður felld úr leyfinu samhliða breytingunni. Hámarkslífmassi verður óbreyttur, en eldisskilyrði breytast í samræmi við tilkomu frjós lax í rekstrarleyfið. Breytingin felur einnig í sér færslu svæðis frá Ingjandssandi yfir á Hundsá, þannig að áfram eru einungis tvö svæði í leyfinu,“ segir í tilkynningunni.

Markmiðið 2.500 tonn

ÍS 47 ehf. var lengi vel rekið sem útgerð Gísla Jóns Kristjánssonar og eiginkonu hans Friðgerðar Ómarsdóttur. Lýsti Gísli því í viðtali við 200 mílur fyrir nokkrum árum að allt hafi þetta byrjað þegar Hraðfrystihúsið Gunnvör í Hnífsdal bað hann um að veiða þorsk til áframeldis.

Hóf ÍS 47 ehf. síðan eigið eldi árið 2011, fyrst í Skutulsfirði en síðar Önundarfirði þar sem eldi fyrirtækisins er nú.

Frétt af mbl.is

Væri ekki óskastaða að skipta yfir í lax

Árið 2021 var síðan greint frá því að ÍV SIF Equity Farming ehf. (ÍSEF) hefðu fest kaup á meirihluta í fiskeldisfyrirtækinu „Þetta er frábært fyrir íslenskt fiskeldi, Flateyri og svæðið í heild,“ sagði Gísli við tilefnið.

Stefnt er að því að koma framleiðslu fyrirtækisins í 2.500 tonn.

Frétt af mbl.is

Nýtt hlutafé styður við stækkun ÍS 47

• Blogga um frétt