Ofmat á áhrifum laxalúsar veldur skaða
Setja bókamerki
Ofmat á áhrifum laxalúsar á villtan atlantshafslax getur beinlínis skaðað villta laxastofna. Dregur það úr hvata til að skoða aðrar breytur í vistkerfinu og kemur þannig í veg fyrir að gripið sé til nauðsynlegra ráðstafana í þágu villta laxins.
Þetta er meðal þess sem fram kemur í umfangsmikilli fræðilegri úttekt á norska laxeldisstjórnunarkerfinu sem birt var í vísindatímaritinu Reviews in Aquaculture og fjallað var um í desemberblaði 200 mílna.
Nýtt eftirlitskerfi, svokallað umferðarljósakerfi (TLS), var innleitt í Noregi árið 2017 og var markmiðið að stjórna vexti laxeldis út frá áætluðum áhrifum laxalúsar úr fiskeldi á lifun villtra atlantshafslaxa.
Í vísindagreininni eftir Solveig van Nes, Albert Kjartan Dagbjartarson Imsland og Simon R.M. Jones kemur fram mikil ónákvæmni sé í TLS-kerfinu sem þeir telja líklegt að valdi því að áhrif laxalúsar á villtan lax séu ofmetin.
Fram kemur að ofmat á neikvæðum áhrifum laxalúsar frá fiskeldisstöðvum gæti haft öfug áhrif á verndun villtra laxa þar sem aðrar mikilvægar breytur í lifun laxa gætu því verið vanmetnar.
Umfjöllunina má lesa í heild sinni í desemberblaði 200 mílna.
Fimm Íslendingar á brottvísunarlista
„Skömm að því“
Samþykkt að fjölga lögreglumönnum
Upplýsti ekki um veikindin
Segir dóminn vonbrigði og líklega áfrýjað
„Ég hef ekki lesið mína eigin bók“
Skoða verkfallsbrot í Snæfellsbæ