Kæra ákvörðun Fiskistofu

Berg­ur-Hug­inn ehf., sem er dótt­ur­fé­lag Síld­ar­vinnsl­unn­ar, hefur lagt fram kæru til matvælaráðuneytisins á ákvörðun Fiskistofu um að svipta togarann Vestmannaey VE-54 leyfi til að veiða í tvær vikur fyrir viktunarbrot.

Hefur togarinn, sem Bergur-Huginn gerir út, verið sviptur veiðileyfi frá og með 6. janúar til 19. janúar.

Fiski­stofa seg­ir í ákvörðun sinni um veiðileyf­is­svipt­ing­una að „um al­var­leg og meiri­hátt­ar brot skip­stjóra og áhafn­ar­meðlima að ræða fram­in af stór­kost­legu gá­leysi, sem hefði leitt til veru­legs ávinn­ings fyr­ir málsaðila hefðu þau ekki kom­ist upp“.

Vegna þessa kveðst Fiski­stofa ekki ástæðu til að áminna eða veita lág­marks­leyf­is­svipt­ingu þrátt fyr­ir að um sé að ræða fyrsta brot.

Frétt af mbl.is

Sviptu Vestmannaey veiðileyfi í 2 vikur

„Þungbær refsing“

Krefst Bergur-Huginn þess að ákvörðun Fiskistofu verði ógilt en að öðrum kosti að fresta refsingunni á meðan matvælaráðuneytið hefur kæruna til meðferðar.

„Svipting leyfa til veiða er þungbær refsing,“ segir í kærunni, sérstaklega í ljósi þess að um stuttan fyrirvara er að ræða. Sviptingin mun taka í gildi rúmum mánuði eftir að kæran var gefin út.

Vankantar í rannsókn Fiskistofu

Bergur-Huginn tel­ur ekki neinn ásetn­ing hafa legið að baki þess að bíl­stjóri á veg­um Eim­skips hafi ekið á brott með rúm tíu tonn af ýsu held­ur hafi verið um mann­leg mis­tök að ræða sem leiddi til þess að bíl­stjór­inn fór ekki á bíl­vog og fékk ekki vigt­un­ar­nótu.

Í ákvörðun­ Fiskistofu seg­ir það hins veg­ar ekki skipta máli þar sem ábyrgðin á því að afli sé vigtaður á herðum skip­stjóra.

Telur Bergur-Huginn að Fiskistofa hafi ekki útskýrt með fullnægjandi hætti hvernig viðvera skipstjóra og áhafnarmeðlima hefði getað komið í veg fyrir atburðarásina sem leiddi til mannlegra mistaka sem ökumaður Eimskipa gerðist sekur um.

Telur félagið einnig að meðalhófs hafi ekki verið gætt í ákvörðun Fiskistofu og að stofnunin hafi með engu móti sinnt rannsóknarskyldu sinni með fullnægjandi hætti, „m.a. með því að hafa ekki rætt við þá starfsmenn félagsins sem viðstaddir voru viktunina.“

• Blogga um frétt