Ekki var óeðlilegt að Bjarni Benediktsson í hlutverki sínu sem matvælaráðherra hafi ákveðið að útgefnar skyldu veiðiheimildir fyrir 3.800 tonnum af djúpkarfa þrátt fyrir að vísindamenn Hafrannsóknastofnunar hafi mælt gegn því að veiðiheimildir skyldu gefnar út. Með kvótanum var tryggt að sjómenn fengju sanngjörn laun.

Þetta segja þeir Árni Sverrisson, formaður Félags skipstjórnarmanna, og Pálmi Gauti Hjörleifsson varaformaður.

Frétt af mbl.is

Úthluta kvóta þrátt fyrir núllráðgjöf

„Ýmsir hafa látið að því liggja að matvælaráðherra hafi gengið einhverra annarlegra erinda, svo er nú aldeilis ekki, staðreyndin er að fiskveiðiárin 2023/2024 og 2024/2025 var ekki gefinn út neinn kvóti í djúpkarfa, það var núllkvóti. Samt sem áður komu í land á fiskveiðiárinu 2023/2024 rúmlega 3.400 tonn af djúpkarfa sem landað var að stærstum hluta í svokallaðan VS-afla, en þá fer einungis 20% af söluverðmæti afurðanna til skipta milli útgerðar og áhafnar. Megnið af söluverðmæti afurðanna, eða 80% rennur til ríkisins í Verkefnasjóð sjávarútvegsins. Það er engin leið að komast hjá því að djúpkarfi veiðist sem meðafli við veiðar á gráðlúðu og gulllaxi,“ skrifa þeir í bréfi sent 200 mílum.

„Hafró gaf út kvóta í þessum tveimur tegundum bæði á þessu kvótaári og því síðasta. Því máttu allir vita að óhjákvæmilegt yrði að svipað magn af djúpkarfa myndi veiðast sem meðafli á þessu fiskveiðiári og því síðasta,“ fullyrða þeir.

Árni Sverrisson, formaður Félags skipstjórnarmanna, og Pálmi Gauti Hjörleifsson varaformaður.

Greina þeir frá því að Félag skipstjórnarmanna hafi lagt til við matvælaráðherra (þá Bjarna Benediktsson) um að gefa út kvóta í djúpkarfa.

„Bæði vegna þess að skipstjórar sem þekkja best til töldu ástand djúpkarfastofnsins ekki gefa tilefni til núllkvóta. Einnig var félagið að hugsa um þá sjómenn sem á þessum skipum eru, það er að segja að tryggja að sjómennirnir fengju eðlileg og umsamin laun fyrir sína vinnu, að veiða, vinna, pakka og ganga frá djúpkarfanum. Það hljóta allir að geta verið sammála um að sjómenn jafnt og aðrir fái eðlileg og sanngjörn laun fyrir sína vinnu. Það var því fullkomlega eðlilegt að matvælaráðherra gæfi út kvóta í djúpkarfa.“

Frétt af mbl.is

Brim fær líklega mesta kvótann

Tengdar fréttir

Kjaramál sjómanna

Verðlagsstofuverð þorsks hækkar mikið

• „Þetta er hrein og klár misnotkun“
• Sjómönnum tryggt 54% meira fyrir þorskinn
• „Er þetta réttlát skipting?“
• „Nóg er komið af rugli og misskilningi“

» Fleiri tengdar fréttir

• 1 blogg um fréttina

Bloggað um fréttina

• Sigurjón Þórðarson: Bara ef það hentar mér