Jónbjörn setti nafn sitt á nýja tegund
Setja bókamerki
Ný kuðungategund uppgötvaðist við Íslandsstrendur nýverið. Í færslu á vef Hafrannsóknastofnunar er slíkt sagt sjaldgæft og að um sé að ræða afrakstur mikillar vinnu.
„Nýja tegundin hefur verið nefnd eftir fyrrum starfsmanni Hafrannsóknastofnunar Jónbirni Pálssyni og heitir Buccinum palssoni Fraussen, Delongueville & Scaillet, 2024, en tegundin hefur enn ekki fengið íslenskt nafn,“ segir í færslunni.
Kuðungurinn er um 3 cm á hæð og tilheyrir ættkvíslinni Buccinum eins og beitukóngur.
Uppgötvunina má rekja til samstarfs Jónbjörns og belgísku dýrafræðinganna Christiane Delongueville og Roland Scaillet.
„Jónbjörn starfaði um árabil við hafrannsóknir. Eftir hann liggur fjöldi greina um líffræði hafsins og er hann annar höfunda bókarinnar Íslenskir fiskar. Jónbjörn er vel að þessum heiðri kominn og óskar Hafrannsóknastofnun honum innilega til hamingju,“ segir í færslunni.
Ökumaðurinn ákærður fyrir manndráp af gáleysi
Höldum lýðnum uppteknum
Kettlingur drapst af völdum skæðrar fuglaflensu
Yfirlýsing frá Jóni: Hagnaðist ekki á knatthúsi
Myndskeið: „Engin leið“ að ná tökum á eldunum
„Oft hefur verið þörf en nú er nauðsyn“
Bændur enn rólegir á Mýrum