Fengu fjarstýrðan kafbát
Setja bókamerki
Hafrannsóknastofnun fékk í dag afhendan nýjan fjarstýrðan kafbát, svokallaðan djúpkanna, sem eykur möguleika til rannsókna í fjörðum og flóum landsins. Fram kemur í tilkynningu á vef Hafrannsóknastofnunar djúpkanninn sé af gerðinni Revolution sem framleidd er af kanadíska fyrirtækinu Deep Trekker.
„Djúpkanninn er einn sá tæknilegasti sinnar tegundar hér á landi en hann er sérlega vel útbúin búnaði sem hentar verkefnum stofnunarinnar. Hann er búinn 4K upptökuvél, tveimur leysigeyslum og fjórum led ljósum og mun safna myndefni af hafsbotni. Myndefnið verður notað við ýmsar rannsóknir, til dæmis kortlagningu búsvæða, skráningar á lífríki og botngerð, mat á áhrifum og margt fleira,“ segir í tilkynningunni.
Bent er á að griparmur fylgir þessum fjarstýrða djúpkanna sem veitir möguleika til söfnun sýna. Talið er að tækið opni á marga nýja möguleika til að auka þekkingu á grunnsævi umhverfis Ísland.
Tækið vegur aðeins 26 kíló og kemst á 300 metra dýpi, en það er knúið af sex seguldrifnum skrúfum sem ráða við allt að fjögurra hnúta straum. Gengur djúpkanninn fyrir tveimur rafhleðslum sem duga í allt að sex klukkustundir. Fjárfest var í beintengi þannig að hægt sé að fá aflgjafa frá yfirborðinu.
USBL staðsetningartæki fylgir djúpkannanum svo hægt sé að forrita fyrir framákveðnar siglingarleiðir í eftirlitsferðum þegar skanna á sjávarbotna en auk þess er til staðar sónar af gerðinni Oculus MT1200d frá Bluprint Subsea.
Valdemar Karl Kristinsson, verkefnastjóri hjá Slippnum Akureyri sem er umboðsaðili Deep Trekker á Íslandi, segir kafbátinn í fremstu röð þegar kemur að gæðum og tæknilegum eiginleikum. Sambærilegir kafbátar hafi þegar sannað gildi sitt hjá hafnaryfirvöldum, strandgæslum og björgunarsveitum vestanhafs.
Íbúar uggandi vegna sprenginga
Atkvæði urðu innlyksa í Kópavogi
Íbúar argir: Bærinn vill gistihús á flóðasvæði
„Sjaldan orðlaus en ég er það í þessu tilfelli“
Grímsvatnahlaup hafið
Játa þátttöku en voru ekki ákærðir
Húsnæðisáætlanir byggðar á sandi