Búin með 40% þorskkvótans

Vetrarvertíðin er komin á fullt og er afla landað um allt land. Viðri vel til veiða þennan veturinn má búast við því veiðiheimildir klárist hjá mörgum þegar líður á vorið og að mörg skip verðu bundin við bryggju sumarmánuðina eins og í fyrra, en þá var mörgum skipum lagt í lok apríl.

Það sem af er fiskveiðiárinu 2024/2025 hefur verið landað 68.473 tonnum af slægðum kvótabundnum þorski eða um 40% af heildarkvóta. Eftirstöðvarnar eru 103 þúsund tonn, samkvæmt skráningu Fiskistofu eins og hún var í hádeginu.

Þá er búið að landa 24.771 tonni af ýsu eða 39% kvótans, en aðeins 13% af 67.123 tonna ufsakvótanum. Ber þó að taka fram að illa hefur gengið aðveiða upp í allan þann ufsakvóta sem hefur verið úthlutað undanfarin ár.

Nýttar hafa verið veiðiheimildir fyrir rúm tólf þúsund tonn af karfa eða því sem nemur 30% af heildarkvóta egundarinnar. Nýtingarhlutfallið eð síðan 12% í steinbít, 33% í grálúðu og 20 í gulllax.

• Blogga um frétt