Kvótasetning tegundarinnar var samþykkt á Alþingi í júní á síðasta ári og tilkynnti Fiskistofa 10. janúar síðastliðinn að stofnunin hefði lokið við útreikninga á hlutdeildum og úthlutað þeim. Útreikningarnir byggja á veiðireynslu og taka mið af þremur bestu veiðitímabilum árin 2018, 2019, 2021 og 2022.

Alls hafa 235 útgerðir og 260 bátar fengið úthlutaða hlutdeild.

„Enn sem komið er hafa bara tvær athugasemdir [borist] varðandi flutning á veiðireynslu og var brugðist við þeim. Við gerum ráð fyrir að við munum fá einhverjar kærur á næstu tveimur vikum,“ segir í svari stofnunarinnar við fyrirspurn Morgunblaðsins um fram komnar athugasemdir eða kærur vegna framkvæmd kvótasetningarinnar.

Tvær útgerðir umfram

Í lagafrumvarpinu sem Alþingi samþykkti er ákveðið að hámarkshlutdeild útgerðar takmarkist við 1,5% og að kvótinn sé bundinn við útgerð á fimm veiðisvæðum.

Útgerðarfélagið Skúli ehf. er með mestu hlutdeildina, eða 1,56%, og Hróatildur ehf. er með þá næstmestu, eða 1,54%. Í báðum tilfellum er hlutdeildin umfram lögbundið hámark og hafa þær sex mánuði til að losa sig við heimildirnar, en ekki er heimilt að selja fyrr en að loknum ágústmánuði 2026 og verður heimildum líklega dreift á aðrar útgerðir þegar frestur rennur út.

Mestri hlutdeild er úthlutað til báta á veiðisvæðinu Breiðafjörður-Vestfirðir, eða 31,6%. Á eftir fylgir Norðurland með tæp 30%, svo Húnaflói með 17%, Austurland með 11,2% og að lokum Suðurland-Faxaflói með 10,5%.

Tengdar fréttir

Grásleppuveiðar

Sakar Þórarin Inga um brot á siðareglum

• Álag á starfsfólki vegna grásleppukvóta
• Þó nokkur munur á kvóta og fjölda báta
• Þrjár útgerðir umfram hámark í grásleppu
• Yfir 100 skip fá ekki grásleppukvóta

» Fleiri tengdar fréttir