Vestmannaey og Bergur með fullfermi

Bæði Vest­manna­ey VE og Berg­ur VE lönduðu full­fermi í Vest­manna­eyj­um í vik­unni. Fyrst Vest­manna­ey á þirðju­dag og svo Berg­ur á miðviku­dag.

„Þetta var bara fín­asti túr en afl­inn var mest ýsa. Við hóf­um veiðar út af Skarðsfjör­unni og afl­inn var bara góður til að byrja með. Síðan leituðum við að ufsa um tíma með litl­um ár­angri. Þá var tekið eitt hol á Höfðanum og síðan endað á Vík­inni. Það var fín­asta veður all­an túr­inn. Það er ekki komið mikið af vertíðar­fiski á þess­ar slóðir. Hann er seint á ferðinni enda sjór­inn kald­ur suður af land­inu,“ seg­ir Birg­ir Þór Sverris­son, skip­stjóri á Vest­manna­ey, í færslu á vef Síld­ar­vinnsl­unn­ar.

Reynd­ist áhöfn­inni á Bergi einnig erfitt að næla sér í ufsa.

„Við byrjuðum í Meðallands­bugt­inni og feng­um þar ýsu. Síðan var leitað að ufsa með tak­mörkuðum ár­angri eins og oft áður. Þá feng­um við þorsk á Ing­ólfs­höfða og í Breiðamerk­ur­dýpi og loks var restað í þorski á Vík og Pét­urs­ey. Þetta gekk al­veg þokka­lega,“ seg­ir Jón Val­geirs­son, skip­stjóri á Bergi, í færsl­unni.

Bæði skip héldu til veiða á ný í gær.

• Blogga um frétt