Kaldvík hefur lækkað magn sem félagið áætlar að verði framleidd á árinu um 14%, úr 25 þúsund tonnum af eldislaxi í 21.500 tonn. Ástæðan er óvenju mikill kuldi sem hefur haft veruleg áhrif á heislufar fiska í kvíum félagsins og drápust meðal annars 721 þúsund seiði sem áttu að fara í áframeldi í Fáskrúðsfirði, að því er fram kemur í tilkynningu Kaldvíkur til kauphallarinnar.

Framleiðsla næsta árs verður þó tluvert meiri en á síðasta ári, en þá nam hún 14.965 tonnum sem er í samræmi við áætlun félagsins um 15 þúsund tonn.

Í tilkynningunni segir að lægra hitastig var á síðasta ársfjórðungi 2024 en gert var ráð fyrir sem leiddi til dauða í 2023 árgangi vegna vetrarasára, auk þess sem kuldi hamlaði vexti laxana. Greint er frá því að 2023 árgangurinn er síðasti árgangurinn sem hefur ekki verið bæði bólusettur með sérstöku bóluefni gegn kuldasárum – sem þróað var fyrir Kaldvík – og bóluefni gegn ISA-veiru sem herjaði á eldi á Austfjörðum fyrir nokkrum árum.

Þá hefur einnig verið þó nokkuð há dauðatíðni í tengslum við útsetningu seiða á eldissvæðinu Einstiga í sunnanverðum Fáskrúðsfirði. Upplýsir félagið að lágt hitastig og ofmettun við flutning seiðanna hafi leitt til þess að fjöldi þeirra drapst. Talning var komin í 721 þúsund seiði í gær.

Tengdar fréttir

Fiskeldi

Felldi niður rannsókn á AF í annað sinn

• Aldrei meira af íslenskum eldisfiski
• Laxey fjárfestir í búnaði frá Marel
• Framleiddu 502 þúsund tonn af laxi
• Opnar kvíar bannaðar á vesturströnd BNA

» Fleiri tengdar fréttir

• Blogga um frétt