Loðnumælingar gefa ekki ástæðu til bjartsýni
Setja bókamerki
Allt virðist stefna í að engar veiðar verði leyfðar á loðnu veturinn 2024-2025.
Þetta segir í tilkynningu frá Hafrannsóknastofnun.
Segir þar enn fremur að rannsóknarskip stofnunarinnar, Árni Friðriksson, ásamt þremur uppsjávarveiðiskipum, Heimaey, Polar Ammassak og Barða hafi verið við loðnumælingar síðan 16. Janúar.
Hefur veður tafið fyrir mælingunum að einhverju leyti en ekki haft teljandi áhrif á niðurstöður. Eru mælingar nú langt komnar og einungis mælingar Árna Friðrikssonar úti af Vestfjörðum sem eftir standa og munu þær klárast um eða eftir helgi.
Telur rétt að greina strax frá bráðabirgða niðurstöðum
„Þótt mælingum sé ekki lokið telur Hafrannsóknastofnun rétt að greina strax frá bráðabirgða niðurstöðum mælinganna fram til 24. janúar. Fyrir austan land varð vart við fullorðna loðnu á nokkuð stóru svæði með mesta þéttleika syðst (mynd 2). Einnig var fullorðin loðna norðvestan til á athugunarsvæðinu en nánast ekkert sást af henni fyrir Norðurlandi.
Niðurstöður bermálsmælinganna sýna að heildarmagn fullorðinnar loðnu sem myndar veiðistofn vertíðarinnar, er aðeins um tveir þriðju þess sem mældist í september 2024. Það er því fyrirséð að þessar mælingar sem lokið er við nægja ekki til að breyta fyrri ráðgjöf um að engar veiðar verði leyfðar veturinn 2024/2025,“ segir í tilkynningunni.
Ákvarðanir um frekari mælingar liggja ekki fyrir
Þá er tilkynningin skrifuð með þeim fyrirvara að mælingum sé ekki lokið fyrir vestan land og er gert ráð fyrir að niðurstöður og samantekt alls leiðangursins gæti logið fyrir öðru hvorum megin við næstu helgi.
„Ákvarðanir um frekari mælingar liggja ekki fyrir enn sem komið er.“
Kennarar hafi ekki svarað foreldrum
Nítján vélum Icelandair seinkaði
Afleit aðstaða varðar þjóðaröryggi
Bráðabirgðalögbann á Trump
„Þessi krafa stendur enn óhögguð“
Jóvin veldur usla: Mesti vindhraði í sögu landsins