Brellin loðna og bjartsýni horfin
Setja bókamerki
„Ég held enn í vonina, fyrir Eyjarnar og þjóðarbúið allt, að úr rætist og við fáum vertíð. Þó hún yrði stutt þá er hrognatíminn á loðnuvertíðinni sá tími sem mestu verðmætin verða til,“ segir Íris Róbertsdóttir bæjarstjóri í Vestmannaeyjum í Morgunblaðinu í dag.
Litlar líkur eru á loðnuvertíð nú á fyrstu mánuðum ársins. Áður hefur komið fram að í leitarferðum, þar sem vísindamenn hafa lagt línurnar, hefur engin loðna sést, hvar sem siglt hefur verið um sjó. Uppsjávarveiðiskipin Polar Ammassak og Aðalsteinn Jónsson voru í síðustu viku úti fyrir austanverðu landinu. Þar og þá endurtóku áhafnir mælingu á magni loðnu í megingöngunni á þeim slóðum til samanburðar við niðurstöður mælinga í vikunni á undan.
Fyrstu niðurstöður sýna ívið lægra mat á stærð veiðistofnsins en fékkst í vikunni á undan á sömu slóðum. „Það er því ljóst að niðurstöðurnar munu leiða til óbreyttrar ráðgjafar um engar veiðar,“ segir í tilkynningu Hafrannsóknastofnunar.
„Loðnan er brellin og aldrei á vísan að róa. Hafró hefur gefið út að leit skuli haldið áfram, en bjartsýni mín er eiginlega horfin,“ segir Jón Björn Hákonarson í Neskaupstað. Hann er formaður bæjarráðs Fjarðabyggðar og jafnframt í forystu Samtaka sjávarútvegssveitarfélaga.
Nánar má lesa um málið í Morgunblaðinu í dag.
Greiða atkvæði um ótímabundin verkföll í dag
Bjóst ekki við að fá Grammy
„Leiðinleg og erfið staða“
Djúpfalsanir búa til nýjar hættur
Fáránlegt að setja fyrst á komugjöld
Trump-áhrifin: Minni alþjóðaviðskipti
„Þau bara ætla ekki að gefa sig“