Eigendur strandveiðibáta leiti leiguliða
Setja bókamerki
Framkvæmdastjórn Sjómannasambands Íslands (SSÍ) kveðst í ályktun mótmæla aukningu aflaheimilda til strandveiða ef þær verða teknar af öðrum útgerðum og harma að eigendur strandveiðibáta auglýsi eftir sjómönnum til að sinna veiðum fyrir sig.
Þetta segir í ályktun framkvæmdastjórnar SSÍ um strandveiðar sem send var fjölmiðlum í dag og er undirrituð af Valmundi Valmundssyni formanni sambandsins.
SSÍ vekur athygli á því að á samfélagsmiðlum hafi verið auglýst eftir sjómönnum til strandveiða, og í kjölfarið hafi fyrirspurnum verið beint til sambandsins um hvort í gildi séu samningar um kjör sjómanna sem taka að sér slík störf.
„Það er ekki tilgangur strandveiðikerfisins að sjómenn séu leiguliðar eigenda báta sem kallast strandveiðibátar,“ segir í ályktuninni.
Heimildirnar verði einhverstaðar fengnar
Framkvæmdastjórn SSÍ lýsir einnig áhyggjum af því að með því að flytja veiðiheimildir til strandveiða sé verið að hafa atvinnu af atvinnusjómönnum.
„Ef þessar auknu heimildir verða teknar úr almenna aflamarkskerfinu er ljóst að félagsmenn félaga innan SSÍ munu missa af verulegum tekjum. Skattgreiðslur til ríkis og sveitarfélaga munu dragast saman á sama tíma og ríkis- og sveitasjóðir eru reknir með halla. Útgerðir munu binda skipin fyrr um sumarið en ğær hafa gert undanfarin ár og fiskvinnslufólk verður sent heim. Þetta er það sem blasir við hinum almenna sjómanni ef strandveiðar verða auknar eins og til stendur hjá nýrri ríkisstjórn.“
Segir framkvæmdastjórnin skjóta skökku við að félagsmenn SSÍ sem eru launamenn allt árið hjá útgerðum skulu sæta afleiðingar vegna skerðinga aflaheimilda á sama tíma og heimildir til strandveiðisjómanna séu auknar.
„Því er haldið fram að þessi aukning sé „bara“tekin úr sjónum. Í þessara orða fyllstu merkingu er það jú svo. Rökin eru þó handónýt.“
Bendir SSÍ á að aflinn sem veiddur er á Íslandsmiðum sé sóttur á grundvelli aflaheimilda sem úthlutað er í samræmi við tillögur fiskifræðinga Hafrannsóknastofnunar. Þess vegna þykir framkvæmdastjórninni ljóst að hve miklum afla er landað hvert fiskveiðiár sætir takmörkunum og þvi verði auknar veiðiheimildir til strandveiðisjómanna að verða teknar af einhverjum.
Áhrif á tekjugrundvöll sjómanna
„Ef strandveiðipotturinn verður aukinn, gerir SSÍ þá kröfu á ríkisvaldið að aukning til almenna aflamarkskerfisins sé í sama hlutfalli. Það er ótækt að eitt form útgerðar geti kallað eftir nánast óheftri aukningu meðan aðrir sitja eftir með minni aflaheimildir. Rómantískar strandveiðar eiga ekki að vera rétthærri en aðrar veiðar þó nafnið sé fallegt,“ segir í ályktuninni.
Jafnframt bendir SSÍ á að verð á fiskmörkuðum dalar er strandveiðar hefjast sem hafi bein áhrif á kjör sjómanna sem hafa atvinnu af sjómennsku allt árið.
„Ef villtustu draumar strandveiðisjómanna verða að veruleika umveiðar í 48daga með tæplega 700 kílóa þorskafla á dag,munu aðrir útgerðarflokkar blæða fyrir með tilheyrandi afleiðingum. Ef um 800 skip verða á strandveiðum í sumar má gera ráð fyrir 26.000 tonna afla að lágmarki, jafnvel ívið meiri. Fiskur sem er verðminni og lakara hráefni en ella.“
„Galið að stimpla málið á svartan húmor“
Óvíst hvort heimili sem ráðherra opnaði verði opnað
„Ljósið lifir“
Sólarhringsaðstoð á hverfastöðvum borgarinnar
Lífskjör munu versna ef tollar verða lagðir á
„Aðal málið er að það urðu engin slys á fólki“
Sekt fyrir barnakynlífsdúkkur: Kallaði sjálfur til lögreglu
Ábatinn gæti verið meiri en áhættan