„Í stærsta holinu var dregið í sex tíma“

Þrem­ur skip­um tókst að bera til Nes­kaupstaðar um 8.300 tonn af kol­munna síðastliðna helgi, að því er seg­ir í færslu á vef Síld­ar­vinnsl­unn­ar. Fyrst­ur kom Beit­ir NK með 3.000 tonn, síðan Vil­helm Þor­steins­son EA með 2.500 tonn og loks Börk­ur NK með 2.800 tonn.

„Við feng­um afl­ann í sex hol­um og það var dregið í tvo til tólf tíma. Hol­in voru mis­jafn­lega stór eða frá 240 tonn­um og upp í 770 tonn. Í stærsta hol­inu var dregið í sex tíma. Veður var hið fín­asta mest all­an tím­ann. Við hóf­um veiðarn­ar 240 míl­ur vest­ur af syðsta hluta Írlands en færðum okk­ur síðan 180 míl­ur í norður og vor­um þá suðvest­ur af Rockall,“ er haft eft­ir Tóm­asi Kára­syni skip­stjóra á Beiti.

770 tonna kol­munna­hol hjá Beiti NK.. Ljós­mynd/​Síldra­vinnsl­an: Tóm­as Kára­son

Í færsl­unni kveðst einnig Hjörv­ar Hjálm­ars­son skip­stjóri á Berki vera sátt­ur með gang veiða.

„Viðfeng­um afl­ann í átta hol­um og dróg­um yf­ir­leitt til­tölu­lega lengi. Stærsta holið var 600 tonn. Afl­inn var mis­jafn enda var kol­munn­inn í blett­um og það var mijafnt hvernig maður hitti á þá. Heilt yfir var ekki mik­ill kraft­ur í veiðinni enda hverf­ur kol­munn­inn yf­ir­leitt um þetta leyti og veiðist ekki fyr­ir al­vöru á ný fyrr en hann er kom­inn inn í fær­eysku lög­sög­una. Þar erum við líka van­ir að taka mest af hon­um. Ég geri ráð fyr­ir að hann fari að veiðast í fær­eyskri lög­sögu snemma í apr­íl­mánuði,“ seg­ir Hjörv­ar.

• Blogga um frétt