Ameríkuskipin bera 50% meira vestur

Sí­fellt aukið mik­il­vægi Norður-Am­er­íku sem áfangastað fyr­ir sjáv­ar­af­urðir Íslend­inga hef­ur meðal ann­ars verið ástlæða þess að Eim­skip hef­ur eflt sigl­ing­ar sín­ar þangað til muna.

„Við höf­um verið að fjár­festa í grænu leiðinni (Am­er­ík­u­sigl­ing­unni) okk­ar til að aðlaga hana bet­ur að ferska fisk­in­um. Við fór­um í mikl­ar breyt­ing­ar fyr­ir tveim­ur árum síðan með því að slíta strand­sigl­ing­unni frá þess­ari leið og auka af­kasta­getu okk­ar á grænu­leiðinni, auk þess sem við nýt­um stærri skip en áður. Á síðasta ári er af­kasta­geta skipa okk­ar 50% meiri en fyr­ir fimm árum,“ seg­ir Hjörv­ar Guðmunds­son for­stöðumaður út­flutn­ings hjá Eim­skip.

Fé­lagið er með stæðileg­an bás á sjáv­ar­út­vegs­sýn­ing­unni í Bost­on sem hófst síðastliðinn sunnu­dag og lýk­ur í dag.

„Þetta er mjög mik­il­væg­ur markaður fyr­ir okk­ar viðskipta­vini, Banda­ríkja­markaður er gríðarlega stór og jafn­vel Nýja-Eng­lands­svæðið sem við erum á núna er um fimmtán millj­ón­ir manns. Þetta er mjög mik­il­vægt svæði bæði fyr­ir fros­in fisk og fersk­an, þannig að við erum hér bæði að fylgja eft­ir okk­ar viðskipta­vin­um og styðja þá í markaðsetn­ingu og sölu til Banda­ríkj­anna og Kan­ada,“ seg­ir Hjörv­ar.

Stærri skip skila aukn­um áreiðan­leika

Veðurfarið á Norður-Atlants­hafi get­ur verið allskon­ar og því er ávallt ákveðin hætta á að flutn­ing­ar sjó­leiðina sem og loft­leiðina verði fyr­ir trufl­un­um.

Er hægt að tryggja af­hend­ingarör­yggi við slík­ar aðstæður?

„Það fylg­ir því að vera á Íslandi að það er oft skíta­veður,“ svar­ar Hjörv­ar og hlær.

Hann bend­ir þó á að með því að stækka um­svif sín og þar með stækka skip­um eykst áreiðan­leik­inn. „Við sjá­um eins og með því að taka inn Bakka­foss í stað Sel­foss hef­ur áreiðan­leik­inn auk­ist og hraðinn sem skipið nær að halda í gegn­um bræl­urn­ar áreiðan­legri en hjá minni skip­um. Þetta vinn­ur allt sam­an – með auknu magni næst betri ár­ang­ur.“

Bakka­foss lest­ar gáma á at­hafna­svæði Eim­skips í vik­unni. Ljós­mynd/​Eim­skip

Flutn­ings­leiðin mik­il­væg­ur liður í sókn­inni

Hjörv­ar seg­ir flutn­ing á fiski frá Íslandi til Am­er­íku hafi auk­ist und­an­farið sér­stak­lega fersk­ur lax, en geymsluþol lax­ins ásamt því að Ísland sé ekki mjög langt frá Am­er­íku ger­ir það að verk­um að flutn­ing­ur sjó­leiðina með fersk­an lax henti vel.

„Þetta er ákveðið sam­keppn­is­for­skot fyr­ir Íslend­inga að hafa þessa sigl­inga­leið inn á Banda­rík­in. Þetta er ódýr­ari flutn­ing­ur held­ur en flug þannig að það eyk­ur sam­keppn­is­hæfni í verði. Það er einnig tölu­vert minna kol­efn­is­spor við flutn­inga um sigl­inga­leiðina en í flugi, sem ég held að kaup­end­ur á ís­lensk­um laxi séu meira og meira að horfa til. Svo er líka miklu meiri af­kasta­geta inn á markaðinn sjó­leiðina.“

Hann tel­ur öfl­uga flutn­ings­leið til Norður-Am­er­íku mik­il­væg­an lið í sókn Íslend­inga inn á Am­er­íku­markað – fyr­ir lax­inn en ekki síður aðrar teg­und­ir sem geta nýtt sér þetta for­skot.

• Blogga um frétt