„Lax sem var út­sett­ur fyr­ir há­væru streitu­vald­andi hljóði fimm mín­út­ur á dag í 30 daga brást við með flóttaviðbrögðum og auk­inni fram­leiðslu streitu­horm­óns­ins kort­isóls,“ seg­ir vís­indamaður­inn Frode Opp­e­dal í færslu á vef norsku haf­rann­sókna­stofn­un­ar­inn­ar.

Þar seg­ir að hljóðmeng­un­in sem beitt var á lax­inn á til­rauna­stöð sam­svari því sem lax í sjókví­um get­ur orðið fyr­ir þegar há­vær vinna fer fram í um­hverfi hans, eins og hljóð frá lúg­um sem skella og jafn­vel spreng­ing­ar.

Kallað eft­ir aðgerðum

Opp­e­dal út­skýr­ir að lax­inn virðist með tíma venj­ast hávaðanum og ekki sýna jafn mik­il viðbrögð við hljóðmeng­un­inni, en um­merki voru um krón­íska streitu í heila. Jafn­framt virðist hávaðinn hafa hamlað svo­kallaðri gena­tján­ingu sem hef­ur áhrif á vöxt og æxl­un fisk­anna. Hann seg­ir þekk­ingu á áhrif­um sem lax verður fyr­ir af völd­um hljóðs enn tak­markaða og tel­ur nauðsyn­legt að sam­spil hljóðvist­ar og heil­brigðis laxa verði rann­sakað nán­ar.

Norska haf­rann­sókna­stofn­un­in hef­ur ný­verið kynnt skýrslu þar sem lagt er til að gripið verði til aðgerða til að draga úr hljóðmeng­un í og við sjókvía­eldi til að tryggja vel­ferð eld­is­fiska.

Ekki er vitað til þess að sér­stök­um aðgerðum hafi verið beitt hér á landi til að bæta hljóðvist í sjókví­um.

Tengd­ar frétt­ir

Fisk­eldi

Rann­saka gat á kví með 117 þúsund löx­um

• Banda­rík­in sí­fellt mik­il­væg­ari markaður
• Nóg að gera í kera­smíðum fyr­ir land­eldi
• Hafa áhyggj­ur af lyfja­notk­un í eldi
• Banda­rík­in helstu kaup­end­ur ís­lensks lax

» Fleiri tengd­ar frétt­ir