Það kom í hlut Sverr­is Pét­urs­son­ar að hafa eft­ir­lit með smíði nýja skips­ins og læt­ur hann vel af dvöl­inni á Spáni und­an­far­in miss­eri. Það er Armon sem sér um smíði Þór­unn­ar Þórðardótt­ur HF 300 en sama fyr­ir­tæki smíðaði Huldu Björns­dótt­ur GK 11 í Gijon sem af­hent var á síðasta ári og þar á und­an Bald­vin Njáls­son GK 400 sem smíðaður var í Vigo.

Þetta er meðal þess sem fram kom í um­fjöll­un­um sem birt­ar voru í sér­stöku blaði helgað hinu nýju skipi sem dreift var með Morg­un­blaðinu fyrr í þess­um mánuði, en skipið var form­lega af­hent 12. mars.

Frétt af mbl.is

Haf­rann­sókna­skipi fagnað

Armon er mjög stórt fyr­ir­tæki með starfs­stöðvar í nokkr­um bæj­um á norður­strönd Spán­ar og var nýja rann­sókn­ar­skipið smíðað í stöðinni í Vigo. „Armon held­ur úti fimm skipa­smíðastöðvum og svo er sjötta ein­ing­in sem fæst ein­ung­is við plötu­sk­urð fyr­ir all­ar skipa­smíðastöðvarn­ar. Hver starfs­stöð hef­ur sína sér­hæf­ingu og eru t.d. tví­bytn­ur smíðaðar hjá stöðinni í Gijon en rann­sókn­ar­skip yf­ir­leitt smíðuð í Vigo“, út­skýr­ir Sverr­ir og bæt­ir við að rann­sókn­ar­skip séu á ýmsa vegu frá­brugðin hefðbundn­um fisk­veiðiskip­um.

Oft er smíðin nokkuð flók­in og óhefðbund­in og er t.d. mjög mik­il­vægt að rann­sókn­ar­skip séu hljóðlát.

Veiði- og vinnslu­búnaður­inn um borð þarf að ráða við fjöl­breytt­an afla. Ljós­mynd/​Sverr­ir Pét­urs­son

Ljós­mynd/​Sverr­ir Pét­urs­son

Sverr­ir seg­ir nýja ís­lenska rann­sókn­ar­skipið sér­stakt fyr­ir margra hluta sak­ir. „Það er óvenju­legt við ís­lensku rann­sókn­ar­skip­in, og á við um Þór­unni Þórðardótt­ur, að helm­ing­ur­inn af skip­inu er full­bú­inn tog­ari með pokag­álga, skutrennu, fiskilúgu, veiðarfær­ar­enn­um og grand­ara­vind­um, og tvær tog­vind­ur uppi á flug­brautn­um. Aðrar þjóðir þurfa ekki rann­sókn­ar­skip með þessa veiðigetu og eru í staðinn með gálga sem ganga út frá hliðum skip­anna til að setja ým­iss kon­ar rann­sókn­ar­tæki út í sjó.“

Nýja skipið er líka óvenju­legt að því leyti að vera með felli­kjöl sem festa má mæli- og rann­sókn­ar­búnað við. „Þessi kjöl­ur er um sjö metra hár og þegar hann er dreg­inn upp geng­ur hann al­veg upp að næstu hæð fyr­ir neðan brúna. Þegar kjöl­ur­inn er uppi er hægt að kom­ast und­ir hann og skipta um botnstykki neðan á hon­um, og þegar kjöl­ur­inn er í neðstu stöðu stend­ur hann um 4 metra niður fyr­ir botn skips­ins.“

Um­fjöll­un­ina má má lesa í heild sinni hér.

Tengd­ar frétt­ir

Haf­rann­sókna­stofn­un

Fyrsta marsralli Þór­unn­ar lokið

• Frum­kvöðull með smit­andi áhuga
• Spara hundruð tonna af olíu ár­lega
• Sögu­leg tíma­mót ís­lenskra haf­rann­sókna
• Aðstaðan um borð batn­ar um­tals­vert

» Fleiri tengd­ar frétt­ir