Setja nýtt vinnsludekk í Hildi

Slipp­ur­inn Ak­ur­eyri vinn­ur nú að smíði nýs vinnslu­dekks fyr­ir fiski­skipið Hildi SH 777, sem er í eigu Hraðfrysti­húss Hell­is­sands hf. Fram kem­ur í færslu á vef Slipps­ins að smíði búnaðar­ins er á loka­metr­un­um og fljót­lega verði haf­ist handa við upp­setn­ingu búnaðar­ins um borð í skip­inu.

„Smíðin á vinnslu­búnaðinum hef­ur gengið vel og við stefn­um á að skipið verði klárt fyr­ir páska,“ seg­ir Magnús Blön­dal, sviðsstjóri DNG Vinnslu­búnaðar hjá Slippn­um Ak­ur­eyri. „Starfs­fólk Hraðfrysti­húss­ins hafa lagt fram mikið af gagn­leg­um ábend­ing­um í hönn­un­ar­ferl­inu sem skipta sköp­um fyr­ir loka­út­færsl­una.“

Magnús Blön­dal og Örvar Ólafs­son. Ljós­mynd/​Slipp­ur­inn DNG

Hild­ur SH 777, sem var smíðuð í Dan­mörku árið 2019, er 33,25 metra löng og 9,4 metra breið. Skipið er sér­hannað fyr­ir bæði tog- og drag­nóta­veiðar og gegn­ir lyk­il­hlut­verki í bol­fisk­veiðum út­gerðar­inn­ar.

Örvar Ólafs­son, út­gerðar­stjóri Hraðfrysti­húss Hell­is­sands, seg­ir mikl­ar von­ir bundn­ar við nýja vinnslu­dekkið. „Við bú­umst við góðri aukn­ingu í af­köst­um og betri nýt­ingu afl­ans. Sam­starfið við Slipp­inn Ak­ur­eyri hef­ur gengið afar vel og við hlökk­um til að hefja veiðar með nýj­um vinnslu­búnaði.“

• Blogga um frétt