„Ég held þau séu að fara offari í sín­um dóms­dags­spám varðandi þetta mál. Ég er hins veg­ar meðvituð um það að þetta er mik­il breyt­ing og það er meðal ann­ars þess vegna sem ég hef verið mjög ákveðin í því að setja lín­una hér og ekki fara að tala um ein­hverj­ar töl­ur aft­ur í tím­ann,“ seg­ir Hanna Katrín Friðriks­son at­vinnu­vegaráðherra innt álits á full­yrðing­um Sam­taka fyr­ir­tækja í sjáv­ar­út­vegi um að fyr­ir­huguð hækk­un veiðigjalds ógni rekstr­ar­grund­velli vinnslu ís­lenskra sjáv­ar­út­vegs­fyr­ir­tækja.

Á blaðamanna­fundi í dag kynnti Hanna Katrín ásamt Daða Má Kristó­fers­syni fjár­málaráðherra frum­varp rík­is­stjórn­ar­inn­ar um breyt­ing­ar á veiðigjaldi. Áætlað er að nýtt gjald hefði á síðasta ári skilað 10 millj­örðum krón­um meira en raun­in varð, en það er um tvö­falt hærri upp­hæð en fékkst inn­heimt.

Frétt af mbl.is

Breyt­ing­in hefði skilað 10 millj­örðum í fyrra

„Það hef­ur verið mis­brest­ur í því að miða við raun­veru­legt markaðsverðmæti í tölu­verðan tíma en nú erum við að snúa blaðinu við,“ seg­ir Hanna Katrín og vís­ar til þess að út­gerðir sem einnig reka vinnslu hafa greitt gjald á grund­velli innra upp­gjörs sem hef­ur verið byggt á svo­kölluðu verðlags­stofu­verði en ekki verði á fisk­mörkuðum.

Þá tel­ur rík­is­stjórn­in rétt að miða við verð upp­sjáv­ar­teg­unda á fisk­mörkuðum í Nor­egi þar sem ekki er virk­ur markaður með þær teg­und­ir á Íslandi. Vert er að geta þess að í Nor­egi er ekki heim­ilt að reka bæði út­gerð og vinnslu. Þar eru jafn­framt ekki inn­heimt veiðigjöld.

Veiðigjöld sam­kvæmt gild­andi fyr­ir­komu­lagi hér á landi taka mið af af­komu veiða og sveifl­ast því reglu­lega milli ára. Hækkuðu því veiðigjöld ræki­lega fyr­ir fleiri stofna síðastliðin ára­mót, mest fyr­ir mak­ríl.

Frétt af mbl.is

Veiðigald á mak­ríl hækkaði um 483%

Ekki áhyggj­ur af inn­lendri vinnslu

Sam­tök fyr­ir­tækja í sjáv­ar­út­vegi sendu frá sér yf­ir­lýs­ingu í dag þar sem þau mót­mæltu áform­um rík­is­stjórn­ar­inn­ar og sögðu þau ógna inn­lendri fisk­vinnslu.

„Tekj­ur veiða þurfa þá að aukast í takt við viðmið veiðigjalds­ins, með þeim áhrif­um að fisk­vinnsl­ur verða ósam­keppn­is­hæf­ar. Eins og reynd­in er í Nor­egi, mun fisk­ur þá í veru­leg­um mæli flytj­ast óunn­inn úr landi til rík­is­styrktra fisk­vinnsla í lág­launa­lönd­um á borð við Pól­land og Kína,“ sagði í yf­ir­lýs­ing­unni.

Frétt af mbl.is

Segja rík­is­stjórn­ina tvö­falda veiðigjöld

Hanna Katrín seg­ist hafa litl­ar áhyggj­ur af því að tvö­föld­un veiðigjalds dragi úr inn­lendri vinnslu. „Ég hef ekki séð nein hald­bær rök fyr­ir því að svo ætti að vera. Fyr­ir­komu­lagið sem er hér er verðmætt, það er mik­il­vægt og býr til mik­il verðmæti og þessi til­tekna breyt­ing nær aðeins til afla­verðmæt­is­ins.“

„Ég ætla ekki að gefa lítið fyr­ir þau varn­ar­orð, ég skil hvaðan þau koma. Þau eru að halda hags­mun­um sinna um­bjóðanda á lofti. Við höf­um heyrt þetta áður, við höf­um átt í sam­töl­um við þau í þess­ari vinnu. Við höf­um tekið til­lit til þeirra sjón­ar­miða í ákveðnum atriðum og í öðrum erum við ekki sam­mála. Sam­ráð er ein­mitt til þess fallið að geta farið ennþá frek­ar ofan í það og síðan í gegn­um þá þing­legu meðferð sem málið fær.“

Frum­varpið var birt í sam­ráðsgátt í dag.

Ekki áhyggj­ur af kjara­samn­ing­um

Mik­il hækk­un veiðigjalds hef­ur áhrif á af­komu veiða. Hef­urðu áhyggj­ur af því að þetta geti haft áhrif á for­send­ur kjara­samn­inga?

„Nei ég hef það í sjálfu sér ekki. Það er kannski ekki okk­ar að hafa skoðanir á því hvernig þeir kjara­samn­ing­ar séu unn­ir. Það get­ur vel verið að þetta kalli á ein­hverj­ar aðgerðir af hálfu beggja samn­ingsaðila þar, en ég býst við að þeir leysi það.“

Hanna Katrín seg­ir rík­is­stjórn­ina koma til móts við þarf­ir smærri út­gerða með því að hækka frí­tekju­mark veiðigjalds, en það var 40% af fyrstu rúmu átta millj­ón­um króna á síðasta ári en upp­hæðin er vísi­tölu­tengd. Frum­varpið ger­ir ráð fyr­ir 50% af fyrstu 10 millj­ón­um króna álagn­ing­ar og 30% álagn­ing­ar hvers árs hjá hverj­um gjald­skyld­um aðila upp að há­marki 20 millj­ón­um króna.

„Þegar við skoðuðum töl­ur yfir hverj­ir hefðu nýtt sér frí­tekju­markið áður til fulls kom í ljós svig­rúm til að ganga enn lengra. Ég held að það séu ein­mitt stór hluti af þess­um smærri út­gerðum sem munu njóta góðs af því og að hærra frí­tekju­mark muni draga veru­lega úr hamlandi áhrfi­um á þeirra rekst­ur.“

Frétt af mbl.is

Binda enda á 63 ára út­gerðar­sögu

Ef þetta er rétt­læt­is­mál að greitt sé gjald fyr­ir af­not af nýt­ingu sam­eig­in­legri auðlind þjóðar­inn­ar, hvers vegna eiga sum­ir að vera und­an­skild­ir slíku gjaldi?

„Þessi spurn­ing á fylli­lega rétt á sér, en þarna erum við að koma til móts við það að það sé gríðarlegt ójafn­vægi í fjár­hags­leg­um styrk út­gerðanna eft­ir stærð. Vegna þess að þess­ar minni eru flest­ar á lands­byggðinni var það talið sam­fé­lags­lega hag­kvæmt og mik­il­vægt að gera þetta svona.“

Tengd­ar frétt­ir

Veiðigjöld

„Gæti orðið gríðarlegt högg fyr­ir okk­ur“

• Þúsund­ir vinnslu­starfa í húfi
• „Þetta leggst frek­ar illa í mig“
• Tel­ur rík­is­stjórn­ina ekki skilja „verðmæta­sköp­un“
• „Hvað með sjó­menn?“

» Fleiri tengd­ar frétt­ir

• Blogga um frétt