Hafsýn

Helstu upplýsingar

Starfsemin

Hafsýn býður upp á lausnir við miðlun upplýsinga um veiðar, úthald og afkomu veiðiferða. Viðskiptavinir okkar eru framsækin og kröfuhörð útgerðafyrirtæki sem vilja ávallt hafa nýjar og réttar upplýsingar til að bæta rekstur og auka skilvirkni.

Í Hafsýn afladagbók er haldið utan um skráningar á afla og úthaldi fyrir allar gerðir fiskiskipa. Skráningum er miðlað í gegnum vefviðmót Hafsýnar þar sem notendur fá aðgang að rauntímaupplýsingum og sögulegum gögnum.

Til viðbótar er boðið upp á sérstök skráningarform fyrir ísfiskskip, uppsjávarskip og frystiskip. Til að fækka tvískráningum er hægt að setja upp útstöðvar á vinnsludekki. Þar er hægt að skrá ráðstöfun í kör, gæðaþætti og lesa inn gæðaskjöl og myndir og miðla í vefviðmóti.

Hægt er að setja upp tengingar við önnur kerfi um borð, svo sem flokkara, olíumæla eða togvindur. Þeim gögnum er svo miðlað í land með öðrum gögnum úr Hafsýn.