Þyrla hrapar við tökur á Top Gear
Stuttu síðar fer allt í vaskinn.
Youtube
Setja bókamerki
Það er varla hægt að heimsækja bílavefi í dag án þess að sjá þetta myndband. Við tökur á kóresku útgáfunni af Top Gear (já, þessi þáttur er alls staðar!) brotlendir AH1 Cobra-herþyrla eftir kappakstur við bíl.
Þátturinn er greinlega um margt líkur bresku fyrirmyndinni og í þessu tilfelli var þyrlunni att á móti nýju ZR1 Corvettunni í eins konar spyrnu.
Að henni lokinni virðist flugmaður þyrlunnar misreikna sig hrapalega og steypir henni á nefið í jörðina. Tökulið sést forða sér á hlaupum en samkvæmt fréttum slasaðist enginn alvarlega við óhappið.
Tveimur spurningum er þó enn ósvarað: Hvað er kynnirinn í Corvettunni að segja, og hvenær fáum við íslenskan Top Gear-þátt?
