Fyrsti arabíski sportbíllinn

Fyrsti sport­bíll­inn sem fram­leidd­ur er í ar­ab­a­ríki verður frum­sýnd­ur í end­an­legri gerð á bíla­sýn­ing­unni í Dubai í nóv­em­ber. Af hon­um verða aðeins fram­leidd sjö ein­tök svo ætla má að bíll­inn verði ekki af bil­l­egri gerðinni.

Lyk­an Hy­per­Sport var sýnd­ur sem hug­mynda­bíll á bíla­sýn­ing­unnu í Qat­ar snemma árs en nú er hann kom­inn í loka­gerð. Ekki hef­ur verið annað sagt um afl­rás bíls­ins en að vél­in verði sex strokka og með tvö­faldri forþjöppu. Fram­leiðandi henn­ar hef­ur ekki verið upp gef­inn en þó hef­ur nafn Porsche verið nefnt í því sam­bandi.

Vél­in verður í bíln­um miðjum, hún mun senda allt að 750 hest­öfl gegn­um sjöhraða tví­kúplaðan gír­kassa til aft­ur­hjól­anna og mun hún búa yfir allt að 1.000 Nm snún­ings­vægi. All­ur þessi kraft­ur er sagður gera það að verk­um að Lyk­an-bíll­inn verði viðbragðsfljót­ur í meira lagi. Hann muni kom­ast úr kyrr­stöðu í 100 km/​klst hraða á aðeins 2,8 sek­únd­um. Þá verður há­marks­hraði hans 395 km/​klst.

Þegar ligg­ur fyr­ir að ein­takið af Lyk­an Hy­per­Sport muni kosta 3,4 millj­ón­ir doll­ara eða 2,5 millj­ón­ir evra, eða sem svar­ar um 440 millj­ón­um króna.