20 nýir Outlander afhentir á einu bretti
Setja bókamerki
Fyrsta sendingin af hinum nýja Mitsubishi Outlander tengiltvinnbíl var afhent um síðustu helgimeð viðhöfn. Þar voru 20 nýir bílar afhentir kaupendum á einu bretti.
Mitsubishi Outlander PHEV var frumsýndur í lok september. Fyrsta sendingin seldist fljótt upp og voru bílarnir 20 afhentir á einu bretti.
„Við fundum strax fyrir mjög mikilli eftirvæntingu eftir nýjum Outlander PHEV og það var fljótt ljóst að fyrsta sendingin yrði seld á augabragði,“ segir Guðmundur Snær Guðmundsson í söludeild Mitsubishi, í tilkynningu.
„Okkur fannst tilvalið að halda afhendingardaginn svolítið hátíðlegan og bjóða fólki á kynningu á bílnum og að þiggja léttar veitingar. Í tilefni dagsins röðuðum við allri sendingunni í stæðin fyrir framan sýningarsalinn okkar og það kom mjög vel út og vakti lukku. Við erum að vonum ánægð með þessar frábæru undirtektir og ný sendingin af Outlander PHEV er væntanleg. “segir Guðmundur.
Outlander tengiltvinnbíllinn hefur notið mikilla vinsælda frá kynningu hans árið 2013 og er mest seldi bíllinn á Íslandi í dag. Útlitið á nýjum Outlander PHEV hefur verið poppað upp með með skarpari línum en breytingarnar eru fyrst og fremst tæknilegs eðlis og snúa að meiri sparneytni og afkastagetu.„ Þannig státar hann nú af enn meiri sparneytni og bættum aksturseiginleikum, auknum afköstum, endurbættu aldrifi og meiri þægindum á öllum sviðum,“ segir í tilkynningunni.
